VOV4.K’ho –Tàm ntrờ` cau pơgru bơh hìu bơsram do tus hìu bơsram ndai là broă lơh bè ờs bơh gah bơto bơtê dê. Mơta tàm kơnhoàl Ia Grai, Gia Lai broă tàm ntrờ` cau pơgru tàm nam bơsram pa lơh uă cau ờ suk ơm ngan.

Bi Trần Thị Tâm (deh nam 1978) ơm tàm sơnah [òn Yên Thế, [òn dờng Pleiku, là biên cế pơgru bơh Phòng Giáo dục mờ Đào tạo kơnhoàl Ia Grai dê, geh kòn dềt bơtờp kòp ờ niam tàm tơngoh. Bơklau bi Tâm dê là cau ling sùm lơh broă ngài mờ hìu bơnhă. Tàm 15 nam bơto kơnòm, bi Tâm kung neh geh sơl 9 nam bơto kơnòm tàm xã tiah kal ke ngan.

        Uă cau pơgru ờ dùl nùs bal mờ Quyết định 61 lơh ai ngui bơh ngai  5/2/2018 bơh UBND kơnhoàl Ia Grai, Gia Lai

Mơya, tàm nam bơsram pa nam do, bi Tâm gơtìp ntrờ` lòt bơto tus xã Ia Tô, kơnhoàl Ia Grai. Tàm tu\ 6 nă cau pơgru ndai bơto bal dùl hìu bơsram mờ bi Tâm neh geh 25 nam lơh broă mơya ờ hềt geh dùl dơ\ lơi gơtìp ntrờ` lòt bơto tiah ndai. Bi Tâm kơlôi rơcang ngan mờ đơs là, bơta ờ ring bal do là tài bơh broă kờp điềm tàm pơrlòng jat Quyết định sồ 61 bơh UBND kơnhoàl Ia Grai dê “Cih bè broă dờp, ntrờ` gơ wèt mờ viên chức pơgru tàm ală hìu bơsram” bơh UBND kơnhoàl Ia Grai dê ai ngui tàm ngai 5/2/2018.

 Bol a` ơm tàm tiah kal ke, điềm tàm pơrlòng ờ gơtùi tàm pơnring bal cau pơgru tàm tiah [ươn ờ. A` rê bơto tàm hìu bơsram do 6 nam, den geh 2 nam là lơh broă jak, 2 nam là cau pơgru jak kấp hìu bơsram. 2 nam là cau pơgru jak kấp kơnhoàl.

Sền bơta geh bal, den a` kung ờ go\ di là ờ jai lu\i ờ. Pơgồp bal mờ nam lơh broă, pơgồp bal điềm dong kờl, pơgồp bal điềm tàm pơrlòng, pơgồp bal điềm mè bèp là cau ling kòp tê jê să, den kờp jơh điềm rơ\p pa geh 24 điềm lơm.

Ai cau ndai 25 nam lơh broă neh geh 25 điềm tơn. Jat a` dilah kờ` ring bal den điềm nam lơh broă tàm tiah kal ke pal pơgồp bal uă rlau tai. Dơ\ 2, là cau pơgru [ươn tàm pơrlòng bal, ờ gơtùi kờp tàm pơrlòng mờ cau pơgru tiah kal ke ờ.

Jat Quyết định sồ 61 bơh UBND kơnhoàl Ia Grai dê, điềm sền swì ntrờ` cau pơgru là kờp jơh bơh 4 bơta điềm là cồng nha lơh geh, khà nam lơh broă, tơngai lơh broă mờ điềm dong kờl.

Dơ\ pơrjum bơh kuang đơng lam bồ mờ phòng lơh broă gơrềng bal bơh kơnhoàl Ia Grai dê bè ală bơta ờ suk gùt dar broă ntrờ` cau pơgru nam bơsram 2018- 2019

Jat broă kờp do, ală cau geh tơngai lơh broă jo\ tàm tiah [ươn, geh bơta niam nàng lơh ngan geh lơh geh điềm jơnhoa rlau ngan. Pơgru lơh broă tàm tiah sar lơgar ngài den geh gơtìp kal ke.

Ngan den tàng bè hơ\ mờ bơh tu\ là rơcang cih pơyua tus ală hìu bơsram in, uă cau pơgru neh pơyua sră lùp, dan UBND kơnhoàl tam gơl broă ai điềm. Bi Lê Thị Hải, pơgru bơto jak, geh 9 nam lơh broă tàm xã tiah kal ke ngan bơh kơnhoàl Ia Grai dê mơya kung gam gơtìp ntrờ` sơl pà gi\t.

Bơh 2 dơ\ rơcang cih, bol a` ndrờm đơs sơl mơya ờ go\ geh cau kờ` iat. Bol a` lơh gơs sră pơyua tus hìu bơsram, geh 4 nă pơgru ki\ mat tàm sră hơ\ mơya phòng giáo dục mờ đào tạo kơnhoàl Ia Grai đơs là ờ go\ dờp geh jơnau đơs. Rơcang cih mờ Quyết định 61 geh lơh ndrờm bal.

Tơnơ\ hơ\, hìu bơsram kung geh jơnau đơs sơl dan ơm ing ai cau pơgru neh geh tu\ lòt bơto tàm tiah kal ke. Bol a` kung lơh sră pơyua tus Liên đoàn Lao động càr bal mờ bơta kơ\p kờ` là geh đah hơ\ dong kờl.

Bơh tơnơ\ tu\ Quyết định 61 bơh UBND kơnhoàl Ia Grai dê geh ai ngui, uă ngan sră dan mờ sră pơyua bơh cau pơgru ală hìu bơsram dê pơyua tus Huyện ủy mờ UBND kơnhoàl in. Tàm dơ\ pơrjum lài mờ ngai sơnđờm mu\t nam bơsram pa 1 ngai, ồng Dương Mah Tiệp, Chủ tịch UBND kơnhoàl Ia Grai đơs ngan là: ờ go\ di tài bơh bơta ờ suk bơh cau pơgru dê mờ tam gơl wơl Quyết định 61 ờ.

Tu\ bol a` lơh quy chế, bol a` pal kờp du\ kơlôi sơnơng jơh. Digơlan ờ hềt kờp jơh den kung pal bơh 80- 90% pal geh tàm bơta ai điềm sơl. Quy chế di tus bơnah lơi, dipal tus bơnah lơi den bol a` pal pơn jat tai tam gơl.

 Neh ai điềm bơh kấp hìu bơsram, mìng tài bơh jơnau đơs bơh ală cau gơtìp ntrờ` dê mờ lơh tam gơl wơl quy chế, geh cồng nha ndai den ờ go\ cau lơi lơh ờ. Bol a` iat kơno, lơh tam gơl wơl ai nam tơnơ\ in. Bơta pal jat bơh cau atbồ dê là bè hơ\.

Broă ntrờ` cau pơgru tàm kơnhoàl Ia Grai, càr Gia Lai ờ hềt dờp geh bơta ring bal bơh uă cau pơgru dê. Khi đơs là, geh jơnau ờ dipal, ờ uă wờng, rồn bơklơn mờ ờ song dơ pă!

Cau mblàng Lơ Mu K’Yến