VOV4.K’ho-Ngai sơnđờm mu\t nam bơsram pa neh mờr tus rềp mơya ală mè bèp kơnòm bơsram, kơnòm bơsram mờ cau pơgru tàm ală xã tiah sar lơgar ngài bơh càr Gia Lai dê kung gam uă sơl jơnau kơlôi rơcang. Bàr pe tiah, nàng tus hờ hìu bơsram, kơnòm dềt pal lòt tiă gan dà croh, bơta ngòt rơngơ\t sùm gơ ơm kơ\p sùm, ngan là gam tàm nhai mìu dà ko\ dà cò.

Bi Siu Phưr, ơm tàm [òn Glung, xã Yang Nam, pơndiang bal kòn ùr tềng rơndeh măt, tus dà croh Lơ Pơ, bi ơm dùl êt tài bơh dà tih jơnhoa ngan bal mờ dà croh den ơnàng tai, mơya lồi du\t bi kung gam lơh nền măy rơndeh măy lòt gan dà croh do sơl.

 Tơnơ\ lơh ngan sơrlèt gan hiòng dà, rơndeh kung lòt gan geh dà croh, jơh bal bèp mờ kòn bi Phưr chờ hờp nùs chờ hờp tồr. Bi Phưr pà gi\t, kờ` ai kòn in lòt bơsram tus tiah tờm xã, kơnhoàl den làng bol ndrờm sền dà croh tih jơnhoa halà ờ.

Dà dờng ir ngòt lòt gan den chơ\t cau, sơbơng roh ngan. Tu\ dà dềt den gơtùi lòt gan geh. Kơ\p kờ` Dà lơgar lơh rbàng ai pơgru in lòt bơto kơnòm, ai kơnòm in lòt bơsram sùm.

                                    Bèp mờ kòn bi Phưr tiă gan dà croh Lơ Pơ

Ntàu tềng hơđăng gah dà croh, mò Kpă H’Tech cau ơm tàm [òn Glung, xã Yang Nam pà gi\t, tàm ală ngai mìu dà tih, dà croh tih jơnhoa den gùng lòt tàm do ờ gơtùi lòt rê. Uă tu\, tus jơh bal dùl poh tơn, geh tu\ là tus nggùl nhai tơn làng bol ờ gơtùi tiă gan dà croh.

Den tàng bè hơ\, broă bơsram bơh kơnòm dềt dê tàm tiah do kung gơ jat tàm bơta dà tih sơl. Tơngai do, rơcang mu\t tàm ngai sơnđờm nam bơsram pa, kung là nhai mìu dà tih uă ngan, kung bè ală mè bèp kơnòm bơsram ndai sơl tàm tiah do, mò Kpă H’Tech ai lơh kơlôi rơcang ngan oh kòn he dê.

Kơlôi rơcang kòn in, tu\ mìu dờng ờ ai kòn in lòt bơsram, ngòt dà croh tih jơnhoa, sơrbac mhar ngan, mìng bàr pe jiơ lơm là tih jơnhoa ngan tơn. Geh tu\ là ơm rlô bơsram bàr pe poh tơn, dà gơhoài soăt den hơ\ sồng gơtùi lòt.

Cau pơgru bơto tàm [òn kung ờ gơtùi lòt gan sơl gơ bờh. Kàl do tus nhai 10, nhai 11 den hơ\ sồng jơh dà tih dờng. Kung kơlôi rơcang sơl kòn in, kơ\p kờ` geh rbàng nàng ai kòn in lòt bơsram sùm.

                  Dà croh Lơ Pơ là jơnau kơlôi rơcang sùm tàm xã Yang Nam

Tàm đah jum mat tơngai lik xã Yang Nam, đah ne dà croh Lơ Pơ geh 3 [òn cau Jrai ơm kis. Nàng dong kờl ai kơnòm bơsram kấp một in, gah bơto bơtê tiah do neh lơh 3 anih bơsram kấp một tàm 3 [òn drơng bơto mờ bơsram ai rlau 200 nă oh in.

Klau pơgru Nguyễn Gia Cường, Hiệu trưởng Hìu bơsram Kấp một Nguyễn Nhạc, xã Yang Nam pà gi\t, tàm ală ngai mìu dà tih, dà croh tih jơnhoa, den ală oh kung pal ơm rlô bơsram sơl. Jơnau là tài bơh cau pơgru kung ờ gơtùi sơl tiă gan dà croh nàng tus tàm ală anih hìu bơsram.

Dà croh tàm do, dà den tih mhar ngan mơya gơhoài kung lơyaì ngan sơl. Tu\ mìu dờng ir den ală pơgru den ờ gơtùi tiă gan geh tàm ngai hơ\. Gùng dà broă lơh den tu\ mờ dà dờng ir ờ gơtùi tiă gan geh, den ală pơgru pal bơto tàm ngai dơ\ 7, ngai rlô mờ geh tu\ là pal bơto bal sơl gùt ngai den hơ\ sồng thàn jơnau bơto.

     Klau pơgru Nguyễn Gia Cường lòt hòi jà mè bèp kơnòm bơsram ai kòn in lòt bơsram

Gơ wèt mờ kấp hai, tàm xã Yang Nam neh lơh broă lơh hìu bơsram ơm sa ngai. Ùr pơgru Nguyễn Thị Tường, Hiệu trưởng Hìu bơsram Phổ thông kòn cau ơm sa ngai Trần Quang Diệu, xã Yang Nam pà gi\t: broă lơh ơm sa ngai geh kơnhoàl, xã mờ hìu bơsram pơgồp bal lơh bè broă lơh ơm sa ngai tàm hìu bơsram, geh hìu ơm, hìu sa ai ală oh in.

Mơya, tài priă ờ huan geh uă, broă bơcri priă lơh hìu ơm sa ngai tàm hìu bơsram rơ\p mìng pa lơh geh ai uă ngan rlau jơh là 60 nă kơnòm bơsram in lơm. Tàm tu\, nam bơsram pa 2018-2019 do, hìu bơsram geh mờr 200 nă kơnòm bơsram.

Uă kơnòm bơsram ơm tàm [òn đah ne dà croh kung gam rê tàm hìu sơl tơnơ\ ală [ùi bơsram halà lồi poh den hơ\ sồng rê hờ hìu mơya dilah tìp trồ mìu dà tih, ală oh digơlan ơm rlô jơh tơn dùl poh, nggùl nhai.

Ơm rlô bơsram uă gơlam tus jơnau ală oh kal ke ngan gi\t wa\ jơnau bơsram mờ jơnau sơrbì bơsram gơ wèt mờ kơnòm bơsram tàm ală [òn đah ne dà croh den kung gam geh uă ngan sơl.

Ală oh ơm wơl ơm sa ngai tàm hìu bơsram, tàm ală [òn đah ne dà croh, ngai dơ\ 7 ală oh rê hờ hìu hơ\ sồng tus ngai dơ\ 2 ală oh lòt bơsram. Mơya ngai dơ\ 2 bồ poh dilah mìu dờng, dà tih den ală oh kung ờ gơtùi tiă gan sơl.

Mờ dilah bè jo\ jòng jơh dùl poh tơn den lơh ală oh hơ\ pal ơm rlô bơsram, ală oh ơm rlô bơsram uă den ờ gi\t jơnau bơto tàm ơdu\ den tàng ală oh gơlơh ờ gơdan bơsram tai. Den tàng, khà kơnòm bơsram sơrbì bơsram tàm đah ne dà croh den jơnhoa rlau pơndrờm mờ ală [òn ndai.

          Tàm tu\ ơm kơ\p dùl nơm rbàng geh lơh kơ\ kơl jăp, dà croh Lơ Pơ kung gam là jơnau kơlôi rơcang uă ngan gơ wèt tus mờ ală mè bèp kơnòm bơsram, kơnòm bơsram kung bè gah bơto bơtê tàm xã tiah sar lơgar ngài Yang Nam, kơnhoàl Kông Chro. Ngan là nhai sơnđờm mu\t nam bơsram pa kung là tơngai mìu dờng dà tih jơnhoa ngan, jơnau kơlôi rơcang hơ\ den sơlơ gơguh uă tai!

Cau mblàng Lơ Mu K’Yến