VOV4.K’ho-Gialai là càr geh bă brê gơtìp sơgràm tìs mờ bơta boh lam uă ngan rlau jơh. Ală bă brê do, tơnơ\ tu\ tơngai lơh mìr tam phan neh gơtìp klàr jơh mờ tam phan ờ lơh geh cồng nha uă. Càr Gialai gam lơh ală broă nàng ai wơl bă brê gơtìp sơgràm nàng jàu wơl ai jơnau kờ` lơh broă brê bơnơm in. Broă do nàng kờ` lơh geh tai uă chi che tàm brê mơkung là nàng kờ` dong kờl nàng làng bol bơtàu tơnguh lơh sa kơnờm bơh lơh broă brê bơnơm.

Lài do, tài jơnau kờ` ngui ù lơh sa, hìu bơnhă bi R’ô Nhân kis tàm xã Cư\ Rcăm, kơnhoàl Krông Pa, càr Gialai neh koh kơl rlau 1 lồ brê nàng geh ù lơh mìr. Tơnơ\ rlau 10 nam lơh sa tàm bă ù do, ù mìr neh klàr ờ gam nđiơm gơs tai.

Tu\ geh gơnoar atbồ tiah do sồr lơh jat jơnau sồr ai wơl ù brê gơtìp sơgràm nàng tam gơl wơl tam chi tam dipal mờ jơnau kờ` lơh broă brê bơnơm, hìu bơnhă bi Nhân neh cih mat dan lơh jat. Jơnau lơh bi in kơlôi rơcang ngan là tu\ bă ù tam phan tàm mìr gơtìp tơrmù te\ den geh lơh gơrềng tơn tus rài kis hìu bơnhă dê. Bi R’ô Nhân, đơs bè do:

“Lài do, a` mus brê là nàng kờ` geh ù lơh sa. Tu\ do dà lơgar sồr jàu wơl ù lơh broă sa sươn sre, dà lơgar dong kờl nàng tam brê mờ kơ\p kờ` tơn jơh jơgloh tơrmù r[ah, den hìu bơnhă a` lơh ngan lơh jat sơl. Dilah a` ờ jàu ù dà lơgar in den dà lơgar geh ai wơl sơl”.

Jơnau lơh bi R’ô Nhân kơlôi rơcang kung là jơnau kơlôi rơcang bal bơh ală hìu bơnhă cih mat dan lơh jat jơnau sồr tam gơl ù brê gơtìp sơgràm nàng tam brê tàm dơ\ do tàm kơnhoàl Krông Pa, càr Gialai. Gơrềng tus broă do, ồng Trương Quốc Dụng, Kuang atbồ Hạt Kiểm lâm, mơkung là Kuang atbồ Mpồl ai wơl ù brê kơnhoàl Krông Pa, pà gi\t: Kơnhoàl neh geh broă rơndăp lơh ai wơl 7 rbô lồ. Kơnhoàl gam tus hòi jà, mblàng yal nàng làng bol in gi\t geh broă lơh ai wơl ù bơh càr dê.

Làng bol sơgràm ù brê tàm kơnhoàl Ia Pa, càr Gialai

Tu\ jàu wơl ù neh sơgràm, bal mờ broă geh lơh sră ngui ù gam sơnđan là sổ đỏ nàng tam chi brê, ală hìu bơnhă tam brê gam geh dờp bơta dong kờl 7 tơlak priă tàm tơl lồ in. Lài mờ tu\ brê tam dờng, làng bol gơtùi ngui bă ù nàng tam phan lơh broă sa sươn sre mờ làng bol kung geh lời dùl bơnah ù nàng tam phan mờ kơ\ kơl jăp rài kis. Ồng Trương Quốc Dụng, pà gi\t:

“Tu\ do mờ tơngai mờr tus, bol a` sền dờng màng broă lơh mblàng yal, hòi jà làng bol cih yal is bă brê làng bol neh ai sơgràm. Lơh lài là lơh jơh tàm nam 2017 do nàng tàm nam 2018 geh tam brê jat Kơrnoat sồ 75 mờ Quyết định sồ 38 bơh Chính phủ dê”.

Jat bi Trương Phước Anh, Kuang atbồ Sở Nông nghiệp mờ Phát triển nông thôn càr Gialai yal, broă rơndăp lơh bơh tu\ do tus nam 2020, càr geh ai wơl 30 rbô lồ brê gơtìp sơgràm nàng jàu wơl ai jơnau kờ` lơh broă brê bơnơm in. Tàm hơ\, càr geh lơh ngan ai wơl geh êt ngan rlau jơh kung bơh 10 rbô lồ tàm nam do mờ nam tus. 20 rbô lồ gam tai geh ai wơl tàm nam 2019.

Nàng lơh geh jơnau kờ` do, càr neh crơng gơs 4 mpồl nàng lòt sền, sồr ală kơnhoàl, thị xã mờ ală anih lơh broă geh gơrềng. Broă ai wơl ù jàu wơl ai jơnau kờ` lơh broă brê bơnơm in là nàng kờ` sơlơ lơh geh uă tai chi che tàm brê, rơndăp tăp sèng wơl gah lơh broă brê bơnơm tàm tiah do. Mờ tàm ală tu\ lơh, càr geh lơh bal mờ broă dong kờl, ngui ală broă lơh dipal nàng làng bol tàm tiah do in tus bal tam brê, kơ\ kơl jăp rài kis mờ sơlơ tơnguh tai priă lơh geh. Ồng Trương Phước Anh, đơs:

“Đơs ngan ai wơl ù brê nàng jàu wơl ai jơnau kờ` lơh broă brê bơnơm mờ tam brê, đơs ai wơl là jat sră nggal dà lơgar dê, ai broă do pal geh bơta lơh bal niam bơh ală anih lơh broă chính trị dê nàng đơs ai làng bol in gi\t loh. Hơ\ là bol he tam gơl bàr pe bă ù tam chi geh tu\ là uă ngan bă ù tam chi ờ nđiơm gơs, ờ geh cồng nha den tam gơl mờ ai tam brê.

Geh bơta lơh bal mờ lơh gơlik phan bơna sơl, tus dì tu\ tus tơngai tơnhàu den tam pà bal. Hơ\ sồng Quyết định sồ 38 bơh Chính phủ dê den gam geh bă ù lời gời nàng lời ai khi in tam phan lơh broă sa sươn sre, mờ gơtùi càn priă mờ anih priă jền chính sách nàng bơtàu tơnguh broă ròng phan tềng hơđơm m[ur chi brê”.

Ai wơl ù brê gơtìp sơgràm jàu wơl ai jơnau kờ` lơh broă brê bơnơm in là broă lơh di ngan. Mơya, do rơ\p mìng là broă lơh bơh sơnrờp ai broă lơh jo\ jòng lơh kis wơl brê, dong làng bol kơ\ kơl jăp rài kis mờ đềt mềr mờ brê.

Nàng broă lơh do cèng wơl cồng nha, kờ` tai bơh kơ\ nùs, geh kơ nòl bơh anih lơh broă geh gơnoar mờ gơnoar atbồ tiah do dê, dong làng bol ngan ngồn lơh geh cồng nha lơh sa kơnờm lơh bal broă lơh sa sươn sre mờ lơh broă brê bơnơm!

Cau cih mờ yal tơngi\t- Lơ Mu K’ Yến