VOV4.K’ho – Bơta kờ` ai geh cồng nha tàm broă bơt bơtàu [òn lơgar pa; chơt să tàm kơnòm pa deh gơguh uă; kă bro phan pồn tă dia, phan ờ ngan, phan đòm lơh gơlik geh kal ke…là ală bơta geh sền gròi uă geh đơs tàm dơ\ lùp mờ hơ jơnau lùp Pơrjum dơ\ 5, HĐND càr Gialai kơnă 11 geh lơh tàm lồi poh lài:

Jat kuang bàng HĐND càr Gialai yal, gam gơlik geh bơta kờ` ai geh cồng nha tàm broă lơh broă lơh jơnau kờ` dà lơgar bơt bơtàu [òn lơgar pa tàm càr. Jat jơnau yal bơh UBND càr dê tàm dơ\ pơrjum, nam 2017, càr geh 20 xã tơl khà [òn lơgar pa, tơnguh khà xã tơl khà [òn lơgar pa tus 50 xã. Bulah bè hơ\, bơh sền gròi bơh Kuang bàng HĐND càr dê, uă xã ờ lơh jơh khà broă lơh. Geh xã tong sră nggal dan dờp tơl khà mơya bơh lòt sền mìng lơh geh 16 tàm khà 19 broă lơh. Geh tu\, geh xã neh geh dờp tơl khà [òn lơgar pa, tu\ kờp sền wơl mìng lơh geh 9 tàm khà 19 broă lơh.

Đơs lơh loh bè bơta do, ồng Trương Phước Anh, Kuang atbồ Sở Nông nghiệp mờ Phát triển Nông thôn càr Gialai dờp, broă sền sơwì, dờp xã tơl khà [òn lơgar pa gam ờ hềt loh làng, ờ hềt dipal, geh tềl tơnggo\ kờ` ai geh cồng nha mờ khà xã ngan ngồn tơl khà den lơyah uă rlau mờ jơnau yal. Ồng pà git:

“Sền sơwì ờ hềt di, ờ hềt loh làng, ờ hềt ngan ngồn tài ờ hềt lòt sền ngan ngồn, geh bơta kờ` ai geh cồng nha lah ờ. Bơta do geh bơnah lơi di. Mờ a` kung kơp kờ` pal lơh ngan rlau tai tàm broă cih mat mờ dờp khà tơl. A` kung đal git mìng geh 14 xã digơlan tơl khà jat Quyết định sồ 1600 bơh Thủ tướng Chính phủ dê. Bol a` hơ pơrgon tus do geh lơh loh rlau mờ geh jơnau yal tus Thường trực HĐND càr mờ geh jơnau yal tơnggit dipal rlau.”

Dùl bơta ndai geh cribơyai uă tàm dơ\ pơrjum HĐND càr Gialai là bơta chơt să tàm kơnòm pa deh tàm càr gơlik geh kal ke ngan. Uă broă kơnòm pa deh chơt să gơlik geh tàm ală hìu sơnơm geh jơnau lơh gơbàn là tài bơh bơta ờ geh kơnòl bơh mpồl y bác sĩ dê, lơh gơlik bơta ờ suk tàm mpồl bơtiàn. Jat jơnau yal bơh Sở Y tế dê, nam 2017, gùt càr geh tus 230 nă kơnòm pa deh chơt, gơguh uă rlau mờr 400% pơn drờm mờ nam 2016 mờ 60 nă sau chơt.

Đơs lơh loh bè bơta do, ồng Mai Xuân Hải, Kuang atbồ Sở Y tế Gialai yal loh, khà kơnòm pa deh chơt tàm nam 2017 bơh càr dê gơguh uă. Mơya kung geh bơta tìs bè khà kờp bơh mpồl lơh broă mờng chài dê lơh tìs lơh jơnau yal bè khà do gơguh uă nisơna:

“Tàm sră yal den nam 2017 gơguh uă nisơna là 230 nă kơnòm pa deh chơt. Bol a` neh lòt sền, mpồl lơh jơnau yal là Trung tâm sền gàr pràn kơldang să jan deh dùh, di Sở Y tế neh kờp tìs. Bơh lòt sền, mùl màl nam 2017 khà kơnòm pa deh chơt là 90 nă.”

Bulah cau atbồ gah lơh sơ nơm càr neh đơs loh, yal ală cơng tàng ai go\ geh bơta tìs, mơya Kuang bàng HĐND càr Gialai kung gam gơ lơh ờ pin dờn ngan bè khà kờp tàm jơnau yal. Tài, ờ mìng tìs bè khà kơnòm dềt chơt să, uă khà kờp ndai bơh gah do dê kung ờ ringbal.

Dùl bơta pal sền gròi ndai geh Kuang bàng HĐND càr Gialai lùp là bơta kă bro phan pồn tă dia, phan ờ ngan, phan đòm lơh kung gam gơlik geh kal ke. Kuơ màng, bơta phơng sih, sơnơm tu ờ ngan halà ờ niam neh mờ gam lơh gơbàn hoàc huơr uă ngan tus broă lơh sa làng bol dê. Bơta do, dùl bơnah là tài bơh bơta lơh broă ờ pràn mờ ờ geh kơnòl bơh mpồl lơh broă geh gơnoar càr dê.

                                                                Cau cih mờ yal tơnggit K’Duẩn