VOV4.K’ho - Mpồl lơh broă bơh Thứ trưởng Thường trực Bộ Nông nghiệp mờ Phát triển nông thôn, ồng Hà Công Tuấn pa geh dơ\ lơh broă mờ UBND càr Gialai bè cồng nha rơndap tap sèng, tam gơl pa ală kong ti lơh sa suơn sre, brê bơ nơm. Tàm càr Gialai tu\ do geh 29 kong ti lơh sa suơn sre, brê bơ nơm gam lơh broă tàm hơ\ geh 14 kong ti gơwèt càr atbồ.

Tus tu\ do, 11 kong ti brê bơ nơm mờ 1 kong ti lơh sa suơn sre bơh càr dê neh geh ki\ rơndap broă sap sèng, tam gơl pa; gam wơl kong ti ce Biển Hổ mờ Kong ti kơphe Gialai gam kơp ki\ rơndap broă cổ phần hoá. Bè 15 kong ti bơh dà lơgar atbồ, neh geh 4 kong ti kau su geh ki\ rơndap broă sap sèng, tam gơl pa mờ rơndap broă ngui ù jat Tập đoàn Công nghiệp kau su Việt Nam ; 9 kong ti gơwèt Tổng Kong ti kơphe Việt Nam mìng pa geh 1 kong ti lam lơh, 1 kong ti ờ lơh broă tai, gam wơl 7 kong ti ndai gam ai jơnau đơs bơh càr dê bè rơndap broă ngui ù.

Đơs tàm dơ\ lơh broă, Thứ trưởng Hà Công Tuấn đơs là, Gialai neh lơh jat broă rơndap tap sèng mờ tam gơl pa ală kong ti lơh sa suơn sre, brê bơ nơm krà` cê mờ pràn ngan; bơh sơn rờp neh bơsong bơta tam pìt tam phà ù tiah. Tàm tơngai tus, càr pơn jat tai chồl mhar tơngai cổ phần hoá 2 kong ti gam wơl. Tổng Kong ti kơphe Việt Nam rơcang lài kờp sền, pơgồp bal mờ ală anih lơh broă tàm càr rơndap sap sèng rơndap broă ngui ù nàng ală kong ti in lơh broă sa geh cồng nha.

               Cau cih mờ yal tơnggit K’Duẩn