VOVO4.K’ho – Rlau 20 nam dềt mềr mờ broă bơto bơsram tàm xã tiah nhàr dà lơgar, klau pơgru Lê Hồng Tiến, tàm hìu bơsram [òn Mít Kom 1, di hìu bơsram kấp 1 Nguyễn Bá Ngọc, xã Ia O, kơnhoàl Ia Grai, càr Gialai sùm sơr lèt gan kal ke nàng cèng akhar ai kơnòm bơsram r[ah in.

 Bơta lơh ngan bơh pơrgu Tiến dê tàm broă lam sồr kơnòm bơsram tus hìu bơsram neh tam gơl bơta git wă bơh làng bol tàm [òn lơgar dê mờ gơ gơs là cau geh pơn rơ jak tàm broă gàr khà kơnòm bơsram tus ơdu\ bơsram tàm tiah làng bol kòn cau bơh Gah bơto bơsram càr Gialai dê :

7 jiơ drim, ơdu\ bơsram bal ơdu\ 2 mờ ơdu\ 3 bơh hìu bơsram [òn Mít Kom 1, xã Ia O, kơnhoàl Ia Grai neh nggồr sap tàp sền sră bơh pơgru Lê Hồng Tiến mờ kơnòm bơsram dê. Ơdu\ bơsram bal do mìng geh 16 nă kơnòm bơsram, tam pà gơs 2 mpồl, nggui tàm đi ngkời mờ gơp. Mơya, mpồl lơi den lơh broă mpồl hơ\ dê, mpồl tàp sền sră, mpồl gam wơl den lơh toán.

Đơs bè cơldu\ bơsram geh lơh kơ\ kơljap, geh kơ [àng, cơ ge\, đèng dà tơl làm do, pơgru Lê Hồng Tiến pà git, pơgap mờ do 7 nam, tiah do mìng là [làng ù gời. Geh sồr rê tus ndo nàng lơh hìu bơsram, pơgru Tiến bal mờ 2, 3 nă cau tàm [òn lơgar neh lơh ing dùl cơldu\ bơsram ơnàng ờ hềt tus 20 thơk vuông, rơkàng tìm mờ ja, kơlik lơh mờ dơm chi r[ah r[ừp ngan.

Mơya bơta moat jrùm ngan rlau jơh là jơh ală cau Jarai tàm do ờ sền dờng màng broă ai kòn in lòt bơsram. Pơgru Tiến tus tơl hìu, jòi tơl nă kơnòm bơsram hơ\sồng lam ală oh tus ơdu\ bơsram. Bi ùr Mang Thị Vượt, dùl nă mè kơnòm bơsram tàm [òn yal wơl: “Pơgru Tiến niam ngan, pơgru sồr là ai kòn tus hìu bơsram nàng bơsram, nàng geh kuơ mpồl bơtiàn in, ai kòn he lòt bơsram nàng bơtàu tơnguh lơh sa, git kờp du\ bơta do bơta ne, nàng cau in ờ đơs là ờ git sră. Tu\ ală kơnòm bơsram ơm tàm hìu, pơgru Tiến tus lam sồr lòt bơsram. Geh kơ nòm bơsram kòp jê, pơgru kung tus lam sồr, sồr tu\ lơi bời kòp den lòt bơsram. Bơta lơi niam den he ai kòn he lòt bơsram mơ gơ dê.”

Lam sồr kơnòm bơsram tus hìu bơsram neh kal ke, gàr khà kơnòm bơsram tàm ơdu\ bơsram gam kal ke uă rlau tai. Pơgru Tiến yal, geh ală ngai tus ơdu\ mìng geh 1 nă kơnòm bơsram, pơgru bal mờ kơnòm bơsram tam tề tê lòt jơng tus tàm [òn, tus tơl hìu, lam sồr tơl nă mè bèp kơnòm bơsram. Uă ngan kơnòm bơsram ndrờm kờ` tus hìu bơsram, mơya tàm nhai lơh mìr, uă mè bèp kờ` lời kòn ơm tàm hìu nàng dong tru\ piang, ròng oh dềt, geh tu\ lòt lơh mìr, lơh sre.

Bơh sơn rờp, pơgru Tiến pal sồr cau mblàng jơnau đơs he dê, mơya tơnơ\ hơ\, nàng [uơn tàm broă lam sồr, pơgru Tiến bơsram dà kòn cau Jarai. Bal mờ hơ\, pơgru Tiến gam sồr tai bơta dong kờl bơh cau kra [òn, cau atbồ [òn, đoàn ơruh pơnu lam sồr mè bèp kơnòm bơsram, đơs nàng làng bol tàm [òn in git bơta kuơ bơh broă ai kòn tus hìu bơsram.

Đơs sùm kung geh git gơl, uă nam do, làng bol [òn Mít Kom 1 neh tam gơl, hìu lơi kung ai kòn lòt bơsram wil tơl. Pơgru Lê Hồng Tiến chờ hờp pà git, tu\ do, khà kơnòm bơsram ală ơdu\ tàm hìu bơsram sùm tơl 100%: Băng:

“Lòt rê bòl glar ngan, ndrờm bè pal lòt tàm gùng mìr lơm. Geh tu\ neh rlau 1 jiơ, ală oh hui\ tơn jiơ lòt bơsram, geh tu\ pal tus dà croh hòi ală oh rê lòt bơsram.

Bơta hơ\ sùm gơlik geh. 1, 2 nam do, ală bơta bè hơ\ neh ờ gam tai. A` tơngkah is să tờm là neh kờ` broă lơh, rơ wah broă lơh pal bơsong tơl bơta bòl glar, kal ke mờ kuơ màng ngan rlau jơh là he sền kơnòm bơsram bè oh kòn tàm hìu nhă he dê, den sơ lơu\ wơl ală oh kung sền he bè cau tờm tàm hìu nhă, bè mè, bè bèp ală oh dê.”

Nùs nhơm kờ` gơboh broă lơh, kơ` kơnòm bơsram mờ broă lơh gàr kơnòm bơsram tus ơdu\ bơh pơgru Lê Hồng Tiến dê neh lời wơl uă bơta kơlôi sơnơng niam ai uă cau pơgru tàm hìu bơsram kấp 1 Nguyễn Bá Ngọc mờ gah bơto bơsram tàm [òn lơgar in.

Ồng Phạm Văn Đại, kuang atbồ Phòng Giáo dục mờ Đào tạo kơnhoàl Ia Grai pà git, gah bơto bơsram kơnhoàl Ia Grai neh bơyai lơh tam pà uă mờng chài gàr khà kơ nòm bơsram tus ơdu\ bơh pơgru Lê Hồng Tiến dê tus mpồl cau pơgru gùt kơnhoàl, ngan là pơgru bơto bơtê tàm tiah làng bol kòn cau:

“Pơn rơ jak bơh pơgru Tiến dê là bơta jơh nùs. Mờ nùs nhơm kờ` gơboh broă lơh bơh pơgru dê tus mờ kuang bàng, cau pơgru tàm gah bơto bơsram pal đòm jat. Tài broă bơto bơsram tàm tiah r[ah den gam uă kal ke. Mơya pơgru Tiến neh sang broă hìu nhă nàng tă pơgồp ai tus broă lơh bơto bơsram in nàng lơh niam broă lơh. Pah nam, pơgru Tiến geh UBND kơnhoàl, kung bè ală kơnă kuang đơng lam bồ Gah bơto bơsram pà khà jờng cau ling pơr lòng kơnă [òn lơgar 2 nam sùm. Nam tus do, phòng kung dan pà pơgru Tiến in là cau geh pơn rơ jak kơlôi sơnơng pà khà jờng pơgru in tàm kơnă kơnhoàl mờ kơnă càr.”

Ală broă lơh ngan, bơta jơh nùs, kờ` gơboh broă lơh bơh pơgru Lê Hồng Tiến dê tàm hìu bơsram kấp 1 [òn Mít Kom 1, xã Ia O, kơnhoàl Ia Grai neh geh gah bơto bơsram kơnhoàl cih dờp mờ uă bằng khen, sră jờng rơ mờ khà jờng. Mơya, gơwèt mờ pơgru Lê Hồng Tiến, digơlan ờ geh khà jờng lơi kuơ màng rlau mờ bơta pin dờn kờ` gơboh, dong kờl bơh làng bol tàm [òn lơgar dê mờ bơta dờng pràn bơh ală rơnàng kơnòm bơsram kòn cau Jarai dê tàm tiah nhàr lơgar r[ah kal ke do.

                                                          Cau cih mờ yal tơnggit K’Duẩn