VOV4.K’ho - Nam do, uă bă kơphe geh tam pa wơl mờ sơntìl pa tàm càr Gialai neh sơn đờm gơtùi tơnhàu. Mờ cồng nha tơnhàu uă bal mờ uă bơta niam, ală sơntìl do pơgồp bơnah dong cau tam kơphe geh dùl kàl tơnhàu geh uă.

Pơgap mờ do 3 nam, bi Đặng Đình Nam ơm tàm [òn Kop, xã Kon Gang, kơnhoàl Đak Đoa, càr Gialai blơi sơntìl kơphe TR4 nàng tam pa wơl 1 lồ kơphe, ala suơn kơphe neh kra. Jat jơnau pơlam bơh kuang bàng kỹ thuật dê, sơntìl kơphe pa do, bơta chài sơngka sền gàr kung krơi mờ sơntìl yau. Lài do, gơwèt mờ kơphe robusta, pah nam pal ơn phơng 3 dơ\, mơya sơntìl kơphe TR4 den tam cah gơ gơs 6 dơ\ ơn nàng tờm chi in jồp ring mờ ờ gơtìp hoàc huơr.

Sơntìl kơphe TR4 bulah tờm lơyah mơya ntê, `srum nha chi dờng, sơng ỳur plai wil, plai dờng, gar dờng, kơn jơ\. Nam do bulah pa rơp là kàl tơnhàu sơn ròp, mơya 1 lồ kơphe hìu nhă bi Nam dê neh tơnhàu geh 5 tấn kơphe gar, mờ là hìu nhă geh suơn kơphe geh cồng nha tơnhàu uă ngan rlau jơh tàm [òn Kop:

“Nam do tơnhàu geh uă, tài khà mìu uă rlau mờ ală nam ndai. Sơntìl do cồng nha tơnhàu uă rlau 2 dơ\, plai ờ mìng dờng, kơn jơ\, kơmhò lơ hơ, sơng ỳur plai wil, lơut sơng ỳur plai. Tờm kơphe sơlơ dờng den a` sơlơ bơcri uă den gơ cèng wơl he in cồng nha tơnhàu uă rlau.”

Bal bơta chờ hờp mờ bi Nam, hìu nhă bi Phạm Văn Toại, ơm tàm [òn Kop, xã Kon Gang, kơnhoàl Đak Đoa kung geh cồng nha uă kơnờm sơntìl kơphe TRS. Pơn drờm mờ ală sơntìl kơphe yau, TRS plai dờng, gar kơn jơ\, sơng ỳur plai wil, ntê jòng, `srum n ha chi dờng.

Bulah bè hơ\, nàng gơtùi bơtàu tơnguh ală bơta niam do, broă sơngka sền gàr kơphe TRS kung kờ` pal niam rlau mờ ală sơntìl kơphe yau, pal sền gròi gàr sùh ìo suơn in tàm tơngai ơn phơng. Bi Phạm Văn Toại pà git, mờ 1 lồ kơphe sơntìl TRS, nam do, hìu nhă bi tơnhàu mờr 25 tấn plai ris:

“Sơntìl a` tam là sơntìl uă jơi, pơn drờm mờ sơntìl yau den gơ geh cồng nha tơnhàu uă rlau. Suơn kơphe a` dê niam ngan, jơnau là tài ờ huan jì nhơt, ờ ngui sơ nơm gơ sơt nhơt. A` lời gơ hòn is den gơ geh khà sùh uă, den tàng suơn niam.”

Kàl do, Gialai geh 80 rbô lồ kơphe tàm tơngai tơnhàu. Mờ cồng nha tơnhàu kờp bal pơgap geh 3 tấn tàm 1 lồ, do là dùl kàl lơh geh cồng nha uă bơh cau tam kơphe dê. Bơdĩh mờ bơta trồ tiah [uơn [ùai, geh dùl jơnau kuơ màng ndai là dùl khà dờng bă kơphe geh tam pa wơl mờ sơntìl pa neh ai tơnhàu mờ cồng nha uă.

                                                           Cau cih mờ yal tơnggit K’Duẩn