VOV4.K’ho – UBND kơnhoàl Chư Sê, càr Gialai pa lơh glài đơs lah tus mờ ồng Bùi Sĩ Nguyên – lài do là Kuang atbồ Phòng Gíao dục – Đào tạo kơnhoàl Chư Sê, tu\ do là Bí thư thị trấn Chư Sê, kơnhoàl Chư Sê mờ 2 nă kuang bàng geh gơ rềng lơh tìs jơnau cih adat boh lam dê bè rơcang sơndră sa kuề sa kùa, lơh jat tềm pềr, sơndră hoàc huơr.. mờ ală jơnau cih ndai bơh adat boh lam geh gơ rềng tus công chức.

Bal mờ ồng Nguyên, gam geh 2 nă kuang bàng ndai là mò Nguyễn Thị Hồng Thuận – Chuyên viên Phòng Lao động – thương binh mờ xã hội kơnhoàl Chư sê, lài do là kế toán Phòng Gíao dục – Đào tạo, kung gơtìp lơh glài đơs lah mờ mò Lưu Thị Lý, kuang atbồ hìu bơsram kấp 1 Lê Văn Tám, xã Bờ Ngoong, kơnhoàl Chư Sê gơtìp tơmù lơh Phó kuang atbồ hìu bơsram, kơp kơrnuat ntrờn lơh broă tus hìu bơsram pa.