VOV4.K’ho – Ală nam do, broă lơh bơtàu tơnguh bơto bơsram tàm tiah làng bol kòn cau tàm càr Gialai sùm geh sền gròi uă ngan, pơgồp bơnah tơnguh bồ tơngoh bơsram sră làng bol dê, bơto pơlam mpồl cau lơh broă, bơto bơtê cau chài càr in. Tu\ do, tàm càr geh 17 hìu bơsram kấp 3 kòn cau ơm ngai tàm ală xã geh uă làng bol kòn cau mờ gơwèt là xã uă kal ke.

Gah bơto bơsram kung sền gròi uă ngan tus broă bơt bơtàu mpồl kuang bàng, cau pơgru, ngan là kuang bàng, cau pơgru kòn cau kờ` drơng jơnau kờ` tam gơl pa, tơnguh cồng nha bơto bơsram. Tơnjơh nam bơsram 2016 – 2017, geh rlau 21% kơnòm bơsram kòn cau bơsram jak; uă hìu bơsram kấp 3 kòn cau ơm ngai geh mờr 100% kơnòm bơsram lòt bơsram; khà kơnòm bơsram kòn cau jơh bơsram kấp 3 geh rlau 90%.