VOV.K’ho-Khà priă sơdàng tàm lơgar tu\ do gam lơyah ngan rlau jơh bơh lài tus tu\ do là 12 rbô đong dùl ki\ tàm hìu măy mờ yal lài digơlan kal ke gơguh tàm tơngai tus tài bơh Hiệp định kă bro phan bơna ASEAN-ATIGA geh ai ngui.

Mờ hiệp định do, priă dia blơi sơdàng bơh lơgar ndai geh gơ rê 0%, khà ai gơnoar blơi bơh lơgar ndai geh gơtìp sang te\, Việt Nam pal tàm pơrlòng ring bal mờ ală lơgar geh khà priă lơh gơs sơdàng hơđơm 10 rbô đong dùl ki\.

Bơta geh ngan tu\ do mờ bơta kơ` jơ\ kơ` ju\t bơh sơdàng blơi bơh lơgar ndai lơh khà priă tàu nrang gơmù uă ngan bơh lài tus tu\ do. Tàm càr Gialai, kàl tàu nam 2017- 2018, neh sơnđờm bal mờ khà priă mìng gam 800 rbô đong dùl tấn 10 trữ sơdàng, gơmù rlau 300 rbô đong pơndrờm mờ kàl lài.

Jơnau lùp kis gơs halà ờ kis gơs gơ wèt mờ gah lơh tàu sơdàng gam geh hơ ngan ngồn tơn tàm tơngai tu\ do. Bơta geh ngan tàm tiah tam tàu Phú Thiện, dùl tàm ală tiah tam tàu uă ngan bơh càr Gialai mờ bơh jơh kơnhoàl ù tiah Tây Nguyên dê:

Tàm sươn tàu dờng bơh làng bol thôn Thắng Lợi 3, xã Ia Sol, kơnhoàl Phú Thiện, càr Gialai dê, ồng Tống Văn Hiền gam rơcang tơnhàu tàu.

Ồng Hiền pà gi\t, do là kàl sơnrờp ồng lơh bal tàm broă lơh bal đah cau lơh broă sa mờ hìu măy mờ gơlơh kơ\p kơnờm ngan tơn bơh bồ kàl, tài bơh broă tam phan neh gơ tam gơl jơh pơndrờm mờ lài do, bal mờ sơntìl tàu pa, tam sơntìl mờ măy mok lơm, sơngka sền gàr, tuh dà is mờ măy mok lơm. Ai tu\ do, mìng kờ` hìu măy ai tơngai là geh tơn rơndeh bơh công ty dê tus tơnhàu, kơng was.

Sươn tàu dờng tàm thôn Thắng Lợi 3, xã Ia Sol, kơnhoàl Phú Thiện, càr Gialai

Jat kờp du\ bơh ồng Hiền dê, bulah khà priă gơmù mìng gam 800 rbô đong dùl tấn, ồng kung gam gi\t ngan là lơh geh priă cồng bàr jơ\t tơlak priă. Dilah kung gam gàr bè ờs khà priă, tàu kàl tơnơ\ geh priă cồng gơguh tai pơgăp 30% pơndrờm mờ kàl tàu bơh sơnrờp. Ồng Hiền, đơs:

Tam jat broă lơh lài do den mìng geh 60 tấn lơm, dilah lơh jat broă lơh sươn dờng den pal lơh geh bơh 100 tus 120 tấn tàm dùl lồ. Priă tă lơh den tu\ lơi sươn dờng kung priă tă lơh dùl êt rlau, tu\ lơi kung geh dà tuh, tàu kis dờng niam ngan, mờ ờ huan roh uă phơng. 1 lồ geh cồng di 30 tơlak.

Ồng Nguyễn Bá Chủ, Chủ tịch Công ty Trách nhiệm hữu hạn Một thành viên Thành Thành Công Gialai, công ty blơi jơh tàu lơh geh tàm 4 kơnhoàl gơ ơm tàm tiah đah jum mat tơngai lik bơh càr Gialai dê pà gi\t, sươn tàu dờng là gùng dà kuơmàng bơh mpồl lơh sa kă bro dê, kờ` tàm pơrlòng gơtùi tu\ priă dia mờ khà ai gơnoar blơi bơh lơgar ndai gơtìp sang te\.

Sươn tàu dờng là jơnau hơ ngan ngồn ai jơnau lùp kis gơs bơh gah lơh tàu sơdàng dê

Bơh jo\ tus tu\ do, cau kung geh jơnau lùp sùm, gah lơh tàu sơdàng Việt Nam geh kis gơs hala ờ tu\ tàm pơrlòng ndrờm bal mờ ală lơgar geh khà priă lơh gơs sơdàng hơđơm 10 tơlak tàm dùl tấn, den tu\ do, mờ cồng nha neh sền go\ bơh sươn tàu dờng, jơnau hơ là kis gơs, tài bơh jơnau kal ke cồng nha lơh geh mờ bơta niam neh geh jòi bàn geh gùng dà. Ồng Nguyễn Bá Chủ, đơs:

Bơta kuơmàng ngan rlau jơh là cau lơh broă sa khi rơcang lài geh tàm tờm chi khi dê tam, khi sơngka sền gàr. Hơ\ là 90 tus 100 tấn là bè ờs. Kờ` tàm pơrlòng mờ dunia den ờ gơtùi tam phan jat bè lài do ờ.

Tu\ do, dia, ală bơta…neh pờ mpồng jơh nàng lơh bè lơi khà priă lơh gơs sơndàng gơ lơyah rlau kờp bal khà priă lơh gơs tàm dà lơgar den hơ\ sồng geh priă cồng, ờ geh priă cồng mbè gơtùi bơcri priă lơh sa tai.

Mơya, tàm khà 40 rbô lồ tàu tàm Gialai, tàu tam jat broă lơh sươn dờng rơ\p mìng pa geh pơgăp 10% lơm, khà gam wơl kung gam tam jat broă lơh bơh lài do sơl, gam kal ke bòl glar ngan tàm broă gàr cồng nha lơh sa tu\ khà priă tàm drà kă bro gơmù uă ngan.

 Kuơmàng kàl tàu nam 2017- 2018 do, tàu gơtìp aniai tài bơh mìu càl rbu\t dờng sồ 12, gơ pừ jơh uă ngan, sơdàng geh tàm tàu ờ di mờ jơnau sồr. Mò Vũ Thị Hằng, kis tàm thôn Thắng Lợi 4, xã Ia Sol, kơnhoàl Phú Thiện, pà gi\t:

Nam do, ală sươn tàu niam den hơ\ sồng geh cồng 10 tơlak priă dùl lồ, tiah ờ niam den ờ geh ờ. Cồng dùl êt bè hơ\ den mìng tơl priă tă lơh lơm, ai bơcri lơh wơl tai den pal lòt jồm càn cau dê.

Tam tàu jat broă lơh sươn tàu dờng tàm Gialai lơh geh cồng nha uă

Ồng Mai Ngọc Qúy, Phó Trưởng Phòng Nông nghiệp mờ Phát triển nông thôn kơnhoàl Phú Thiện pà gi\t, nàng tàm pơrlòng jai tàm tu\ tơngai khà priă tàu gơmù uă ngan, cau lơh broă sa pal lơh geh uă cồng nha hơ\ sồng di.

Mơya, mờ broă tam jat bè lài do, mờ bơta trồ tiah tam gơl kal ke bè tu\ do, den uă ngan bă tàu tam jat bè lài do là mìng tơl priă tă bơcri lơh lơm halà gơtìp hoàc hươr. Bơta geh ngan do là cơng tàng nàng tiah do in pơn jat tai rề ơnàng lơh uă bă ù sươn tàu dờng tàm ală nam pơn jat tai. Ồng Mai Ngọc Qúy, đơs:

Tu\ khà priă sơdàng gơmù uă ngan, broă lơh dùl lơm là lơh bè lơh tơnguh cồng nha lơh geh bơh tờm tàu dê, bơsir wơl khà priă lơyah hơ\. Kờ` lơh geh jơnau do den pal rề ơnàng bă ù lơh sươn tàu dờng.

Tàm hơ\ ngui jơh măy mok lơm bơh broă lơh ù, sơngka sền gàr tus dì broă tơnhàu. Tàm kơnhoàl bol a` dê tu\ do, bă ù lơh sươn tàu dờng rlau 500 lồ den cồng nha lơh geh uă ngan. Kờp bal rlau 80 tấn.

Tàu sơdàng kis gơs halà ờ kis gơs tàm tu\ tơngai tàm pơrlòng pràn ngan mờ dunia, gam geh ngan ngồn kàl tàu nam 2017- 2018 tàm Gialai hơ ngan ngồn. Hơ\ là sơlơ lơh bal, dờp tam gơl pa nàng kis gơs mờ bơtàu tơnguh. Tam gơl pa lơyaì geh gơtìp kal ke. Ai ờ go\ tam gơl pa, den geh gơtìp sang lời te\!

Cau cih mờ yal tơngi\t- Lơ Mu K’Yến