VOV4. K’ho - Ủy ban nhân dân càr Gialai pa lơh gơs ai ngui broa\ lơh bè mut  ngui lơh jat Nghị quyết sồ 71 bơh Chính phủ mờ Chỉ thị sồ 13 bơh ban Bí thư bè tơngguh  bơta atbồ bơh Đảng tus mờ broa\ lơh atbồ, sền gàr mờ bơtàu tơngguh brê. Ủy ban nhân dân càr Gialai lam sồr Sở Nông nghiệp mờ phát triển nông thôn bal mờ ala\ gah, sơnah lơh broa\ geh gơ rềng bal, Ủy ban nhân dân ala\ kơnhòal, ala\ mpồl cau tờm brê  bơyai lơh mblàng pơlam lơh kràn ngan sùm bè broa\ lơh atbồ, sền mờ bơtàu tơngguh brê.

Bal mờ hơ\,  lơh mhar mo lơh gơs broa\ sền wơl,  rơndap wơl 3 bơta brê di pal mờ mùl màl. Jat sền nền nòn gơbàn bơh  phan bơna brê mờ ù brê nàng geh bơsong mo di pal,  lơh pràn broa\ lơh tam brê, sền gàr ròng brê,  tam brê rah rài, lơh geh lài broa\ lơh atbồ, sền gàr mờ bơtàu tơngguh brê kơljap. Lơh gơs mờ mut lơh broa\ lơh jàu ù, jàu brê ai cau dùl na\ sa\, hìu nha\,  [òn lơgar  mờ ala\ mpồl atbồ sền gàr mờ dờp kuơ ala\ broa\ lơh bơh tam brê lơh sa.

                                                         Cau cih mờ yal tơnggit K’ Brọp