VOV4.K’ho-Dơ\ lơh chờ Kơphê Buôn Ma Thuột dơ\ 7, nam 2019 mờ tơngume “Bơta niam ngan rlau jơh brê bơnơm dờng ơning ơnàng dê” bal mờ uă broă lơh niam chài, đơs crih tam ya, lơh chờ…lơh gơkờ` ngan cau.

Tàm hơ\, pal sền ngac ngan bè dơ\ pơrlòng rwas Buôn Đôn, tàm pơrlòng was plung lơh mờ chi, lơh ai cau in sền ală broă lơh duh khuai, lơh yàng bơh yau bơh ală kòn cau dê, dơ\ pơrlòng tru\ gơm phan sa Tây Nguyên, Dơ\ lơh chờ gùng drà, Dơ\ pơrlòng cau lơh broă sa tàm pơrlòng bơta jak….

Bal mờ hơ\, mpồl bơyai lơh gam bơyai lơh Pơrjum hòi jà bơcri priă càr Dăk Lăk nam 2019, Ràng tơlik lơh drà mìng gah kơphê lơm, Cribơyai kơphê bơkah pơnrơ Việt Nam, Ràng tơlik rùp “44 nam tam lơh pha lin Buôn Ma Thuột- Ală gùng lòt kah yau”…

Dơ\ lơh chờ dơ\ do kung là dơ\ sơnrờp càr Dăk Lăk bơyai lơh Dơ\ pơrlòng kơphê bơkah pơnrơ Việt Nam, ai ngui “Gùng sră kơphê Buôn Ma Thuột” mờ Ràng tơlik Jơnau kah yau kơphê dunia…Bơh hơ\ neh gơhòi gơ jà gi\t nđờ jơ\t rbô nă năc tus mờ [òn dờng Buôn Ma Thuột mờ bàr pe kơnhoàl bơyai lơh bal dơ\ lơh chờ.

Bơh Mỹ rê [òn dờng Hồ Chí Minh còp hìu bơnhă pơ ùr, bi John Kautz gơhòi gơ jà tơn tài bơh dơ\ lơh chờ kơphê gam geh lơh tàm Dăk Lăk. Mờ bi bal mờ pơ ùr neh geh ală ngai lòt còp sền niam bơne\ ngan tàm Dơ\ lơh chờ Kơphê Buôn Ma Thuột.

Bol a` tus sền dơ\ lơh chờ mờ gơlơh kờ` ngan. Jơh ală bơta sền go\ là niam ngan, phan sa den bơkah ngan.

Tàm ală ngai do, uă ngan làng bol tàm tiah do mờ năc lòt nhơl bơh làm gùt ù tiah tus mờ Buôn Ma Thuột mờ ală [òn lơgar gùt dar. Uă anih nhơl chờ hờp rài bồ tơngoh, ală anih nhơl chờ brê bơnơm niam chài Buôn Đôn tàm kơnhoàl Buôn Đôn, tơnau dà Lăk, kơnhoàl Lăk, Bảo tàng Dunia Kơphê, Gùng sră kơphê Buôn Ma Thuột, ală sơne\ gùng tờm tàm dơlam [òn dờng…sùm hat hal ngan cau lòt còp.

Uă ngan năc lòt nhơl tàm gùng sră kơphê Buôn Ma Thuột

Jat tơrgùm kờp ờ hềt tơl bơh Mpồl bơyai lơh dơ\ lơh chờ dê, tàm 9 ngai geh lơh dơ\ lơh chờ neh geh pơgăp 50 rbô nă năc lòt còp. Mìng kờp is tàm 2 ngai sơnrờp bơh dơ\ lơh chờ dê, neh geh pơgăp 30 rbô nă năc tus mờ [òn dờng Buôn Ma Thuột.  

Ală broă lơh niam bơne\ ngan, li la ngan bal mờ bơta lơngăp lơngai geh sền gàr niam neh gơlời wơl ală bơta kah niam bơne\ ngan ai jơh bal cau dơ\ sơnrờp lòt tus mờ càr Dăk Lăk in sơl.

Dơ\ sơnrờp a` lòt còp Buôn Ma Thuột, a` sền go\ dơ\ lơh chờ geh uă ngan cau mờ niam bơne\ ngan.

Halà cau neh tus bal jơh bal 7 dơ\ lơh chờ kơphê.

Să tờm a` sền go\ gơlơh niam ngan. A` neh lòt 6 dơ\ mờ sền go\ dơ\ lơh chờ niam ngan. Năc lòt nhơl mờ kuơmàng là làng bol ală kòn cau tàm càr lòt uă ngan, anih rơndăp lơh den là dipal ngan.

Gơkờ` ngan cau dơ\ lơh chờ pơrlòng rwas Buôn Đôn

Mò Nguyễn Thụy Phương Hiếu, Phó Kuang atbồ Sở Văn hoá, Thể thao mờ Du lịch càr Dăk Lăk pà gi\t, mờ bơta kơ\p kờ` ai Dăk Lăk gơ gơs là “Tiah tờm nhơl chờ bơh Tây Nguyên dê”, tàm dơ\ lơh chờ dơ\ do, Sở neh rcăng lài yal tơngi\t ală tiah nhơl chờ, bè: Bảo tàng Dunia Kơphê, Tiah nhơl chờ brê bơnơm mờ niam chài [òn lơgar Ko\ Tam, Viện Khoa học kỹ thuật Nông lâm nghiệp Tây Nguyên; Dơ\ lơh chờ pơrlòng rwas Buôn Đôn halà dơ\ lơh chờ tàm pơrlòng was plung lơh mờ chi tàm tơnau dà Lăk…

Bơh hơ\, ờ mìng yal tơngi\t Dăk Lăk mờ năc lòt nhơl in mờ gam tàm tơrbo\ bal nhơl chờ Dăk Lăk mờ ală kơnhoàl ù tiah [òn lơgar tàm gùt lơgar, ù tiah ală lơgar tàm tiah đah jum mat tơngai lik châu Á mờ dunia.

Ală ngai geh lơh dơ\ lơh chờ pa do, năc lòt nhơl mờ càr là uă ngan. Lơh geh bè hơ\ là tài bơh broă lơh mblàng yal bơh dơ\ lơh chờ dê geh càr lơh niam ngan mờ tu\ do, phần mềm nhơl chờ ngac ngar càr dê neh geh lơh nàng mblàng yal bơto pơlam năc lòt nhơl in. Pờ phần mềm hơ\ den geh gi\t geh ală broă lơh nhơl chờ den tàng broă gơhòi gơ jà năc lòt nhơl mờ làng bol lòt còp ală broă lơh bơh dơ\ lơh chờ dê là niam ngan mờ dờp geh mpồl năc lòt nhơl uă ngan pơndrờm mờ ală dơ\ lơh chờ lài do neh geh lơh.

9 ngai mờ mờr 20 broă lơh bal mờ 50 rbô nă năc lòt còp geh sền là cồng nha lơh geh tàm broă yal tơngi\t rùp hin dơ\ lơh chờ kơphê Buôn Ma Thuột dơ\ 7 đơs is mờ ală bơta kuơ niam chài, kah yau tàm Dăk Lăk đơs bal, pơgồp bơnah gơhòi gơ jà năc lòt nhơl ai càr in.

Cau mblàng Lơ Mu K’Yến