VOV4.K’ho- Broă lơh “Gùng lòt pơrhê- Tàm tơrbŏ gùng mhàm Việt Nam” nam 2021 geh Mpồl đơng lam hòi jà pà mhàm dong kờl is càr Kon Tum dê bơyai lơh tàm 2 ngai (15 mờ 16/7) tàm ƀòn dờng Kon Tum bal mờ măt hòi là “Ngai chờ pà mhàm Ntờč mhàm pơrhê Kon Tum”.

Bơto pơlam, kham pràn kơldang să jan ai cau pà mhàm dong kờl is in

Ngai chờ bơtơl ai Hìu sơnơm dờng càr Kon Tum in 300 kơldung mhàm nàng dong kờl mờ sơm kòp ai cau kòp in. Mùl màl pà gŏ, tàm tơngai kal ke ngan ngan bơh kòp Covid-19 dê tơn, den “Gùng lòt pơrhê- Tàm tơrbŏ gùng mhàm Việt Nam” bal mờ srơh pà mhàm dong kờl is kung gam gơrề pràn kơldang ngan tàm càr Kon Tum. Broă lơh rơcăng sơndră kòp geh lơh jăt kràñ ngan bal mờ jơnau sồr 5K sền gàr niam ờdo ờdă ai cau pà mhàm mờ ală cau lơh sơnơm in.

Bi Phạm Ngọc Quang dơ̆ 11 pà mhàm dong kờl is

Nam do, Broă lơh “Gùng lòt pơrhê- Tàm tơrbŏ gùng mhàm Việt Nam” geh Mpồl đơng lam hòi jà pà mhàm dong kờl is càr Kon Tum dê lơh tàm 3 tiah, tàm hơ̆ geh: Sa Thầy, Ngọc Hồi mờ ƀòn dờng Kon Tum bal mờ măt hòi là Ngai chờ pà mhàm Ntờč mhàm pơrhê Kon Tum.

Cau mblàng Lơ Mu K’Yến