VOV4.K’ho-Gùng 19 là gùng lòt kuơ màng ngan tàm tơrbo\ bal ală càr Tây Nguyên mờ tiah kềng dà lềng đah jum tàm gùl lơgar. Nàng gùng rơndeh dờng do gơtùi lơh geh jơnau kờ` lòt rê ngai sơlơ gơguh tai, uă rơndăp broă lơh lơh niam wơl, lơh kơ\ kơl jăp wơl neh geh ki\. Bè hơ\ mơya tơnơ\ ală dơ\ lơh niam wơl, bàr pe gơl gùng sơlơ lơh gơlik bơta ngòt rơngơ\t wơl, bal mờ uă kai ntùng geh lơh gơlik tài bơh bơta ờ niam tàm ală tu\ lơh.

Bi Phan Anh Khoa là cau măy rơndeh neh uă nam măy rơndeh năc bơh càr Quảng Ngãi tus [òn dờng Pleiku, càr Gia Lai gơl lòt gan Gùng rơndeh dờng 19.

                Gùng rơndeh 19- ngòt rơngơ\t tàm ală gơl “ gùng kai ntùng”

Tơngai rềp ndo, tu\ gơl gùng do geh lơh niam wơl, bi Khoa gơlơh ờ suk ngan tài bơh broă lơh bềng bơta ờ niam tàm ală rơndăp broă lơh lơh niam wơl gùng. Gơ ờ go\ dong ai broă lòt rê in geh niam wơl rlau mờ sơlơ lơh gơlik bơta ngòt rơngơ\t ngan wơl.

Ờ gi\t là cau lơh gùng bè lơi mờ bơnàng gùng gơlơh kơh ngan, gơlơh ngòt rơngơ\t ngan. Dan mờ ală anih lơh broă geh gơnoar lơh niam wơl gùng nàng lòt gơ in niam, ngan là ală cau pa dơ\ sơnrờp lòt gan gơl gùng do.

Loh làng rlau bè bơta ngòt rơngơ\t bơh Gùng rơndeh dờng 19 dê, bi Lê Anh Đạt là cau măy rơndeh ơm tàm [òn dờng Kon Tum, càr Kon Tum là cau mờng măy rơndeh pơndiang xăng zờu đơs, bàr pe gơl gùng tàm gùng do tơnơ\ mờ tu\ lơh niam wơl neh geh ală “kai ntùng”. Bơh tài đơs là kai ntùng là tài bơh ală gòr gùng tàm tơrbo\ đah gơl gùng pa lơh mờ gơl gùng bơh lài kơh ir, tu\ rơndeh lòt gan den gơtìp ngòt rơngơ\t ngan.  

A` gam lòt kung bè ờs sơl mơya mờ lòt gan bàr pe gơl gùng do den njừc gơ rơngô rơndeh uă ngan gơlơh bè kai ntùng den là ngòt rơngơ\t ngan. Uă rơndeh măy lòt bơh lài mờ he mờ ờ quèng gùng, lòt tàm gơl gùng hơ\ mờ ku\p thăng mhar ir mờ rơndeh he ơm bơh ngkời tus den là ngòt rơngơ\t ngan.

Jat Sở Giao thông mờ Vận tải càr Gia Lai dê yal, gơl gùng geh ală “kai ntùng” jo\ jòng bơh kơi sồ 90 tus kơi sồ 108 tàm Gùng rơndeh dờng 19 lòt gan kơnhoàl Đăk Pơ, gơ wèt Rơndăp broă lơh lơh niam wơl Gùng rơndeh dờng 19.

Tu\ do, rơndăp broă lơh do gam ơm ing ờ lơh tai, ală anih rềp nhàr bal đah mat gùng lài do mờ gùng pa lơh ờ hềt geh pơnring tàm tơrbo\, lơh geh bơta kơh bơh 20 tus 40 phơng. Ală “kai ntùng” tàm Gùng rơndeh dờng do lơh ờdiơng rơndeh rơndồ, lơh gơlik bơta ngòt rơngơ\t, roh bơta ờdo ờdă gùng lòt ngan là tàm trồ mang tu\ bơta mat sền gùng ờ loh.

Rơndăp broă lơh niam wơl măt bơnàng gùng, ală gùng brong pơrdô dà, Ờdo ờdă gùng lòt Kơi sồ 90 tus Kơi sồ 108, Gùng rơndeh dờng 19, càr Gia Lai geh Tổng cục Gùng rơndeh Việt Nam ki\ nhai 7 nam 2018; Gùng do bơh Cục atbồ gùng rơndeh III lơh cau tờm bơcri priă mờ geh lam lơh bơh bồ nhai 11 nam 2018.

Bơh lồi nhai 12 nam 2018, Sở Giao thông mờ Vận tải càr Gia Lai neh geh ală sră nggal yal mờ Ủy ban Nhân dân càr Gia Lai kung bè sră nggal yal mờ Cục atbồ gùng rơndeh III đơs bè ală bơta ờ niam tàm tu\ lơh rơndăp broă lơh lơh niam wơl Gùng rơndeh dờng 19, dan lơh niam wơl ală tiah kơh ir tàm bơnàng gùng mờ geh làng bol mờng hòi là “gùng kai ntùng”. Mơya, tus tu\ do bơta ờ hềt niam do kung gam ờ hềt geh bơsong sơl!

Cau mblàng Lơ Mu K’Yến