VOV4.K’ho – Tàm [òn dờng Đà Nẵng, Ủy ban Kinh tế Quốc hội dê pơn jat tai pơrjum bal sền swì wơl rơndăp broă lơh kơlôi sơnơng gơtùi lơh ngan ngồn bơh sơnrờp Rơndăp broă lơh “Bơcri priă lơh bàr pe gơl gùng rơndeh ntoăt răt tàm gùng rơndeh ntoăt răt đah tô- đah jum tiah đah mat tơngai lik tơngai bơh nam 2017- 2020”.

Jat rơndăp ù tiah geh Thủ tướng Chính phủ ki\, gơl gùng rơndeh ntoăt răt đah tô- đah jum jòng 2.109 kơi sồ bơh mpồng nhàr lơgar Hữu Nghị tus [òn dờng Cà Mau, tàm hơ\ neh mờ gam bơcri priă lơh 520 kơi sồ. Tài bơh ờ hềt gơtùi bơcri priă lơh jơh ală gùng lòt do, den tàng Bộ Giao thông mờ Vận tải cah 650 kơi sồ gùng rơndeh ntoăt răt đah tô- đah jum tiah đah mat tơngai lik geh uă rơndeh rơndồ lòt rê nàng ai priă jền lơh lài.

Rlau 650 kơi sồ gùng do tàm hơ\ geh 11 rơndăp broă lơh bơnah, kờp jơh priă bơcri lơh pơgăp 118 rbô tơmàn, rơcang lơh tàm nam 2019, geh lơh gơs tàm nam 2021. Tàm dơ\ pơrjum, uă kuang bàng sồr Bộ Giao thông mờ Vận tải kờ` pal jàu jơh ai ală tiah in nàng ai ù lơh gùng mờ lam lơh tơn. Broă lơh gơl gùng do kung pal kờ` kơlôi tus ală gùng brong pơrdô dà gơ in niam.

Broă ai ù lơh gùng kờ` pal kơlôi tus bă ù lơh gùng rơndeh ntoăt răt geh 8 bơnàng gùng nàng kơ\ kơl jăp jo\ jòng rài kis làng bol in, pleh lơh sơrlu\ tàm tơngai tơnơ\. Geh 8 gơl gùng bơcri priă lơh tă priă apah lòt gùng jat broă lơh BOT kờ` pal yal loh làng ờ ndơ\p mpồn, pleh lơh gơlik jơnau ờ suk tàm làng bol.

Cau cih mờ yal tơngi\t- Lơ Mu K’ Yến