VOV4.K’ho - Lơh jăt broă lơh glài nền nòn adăt boh lam dê bè tìs kơ`ao phan mờ rê wơl mờ [òn lơgar, mờ broă dong kờl niam bơh gơnoar atbồ, bi Hoàng Minh Ngọc deh nam 1971, kis tàm sơnah [òn Thắng Lợi, [òn dờng Pleiku, càr Gia Lai neh sơlèt mờ bàs sìl kờ` kis tơrgùm mờ rài kis mpồl bơtiàn, mờ pơgồp bal bơta pràn să tòm tàm broă sền gàr bơta lơngăp lơngai, niam ờ do ờ dă mpồl bơtiàn.

Broă tơmàl bơh bi Hoàng Minh Ngọc ờ mìng pà go\ broă lơh ngan bơh să tòm bi dê mờ gam tơngo\ gơnoar wèt tus mờ bơta niam bơh gơnoar atbồ [òn lơgar dê là kuơ màng ngan.

Nam 1998, mu\t tàm sơnam 17, tu\ klao pơnu pa tào Hoàng Minh Ngọc gam ntào tềng đăp mờ rài kis niam bơne\ ngan den mè bèp bi ni sơna tam lời. Ờ broă sền gàr mờ bơto bơtê bơh bèp bal mờ broă sền gàr bơh mè dê, mờ gơbàn bơta hoàc huơr dờng màng ngan, Hoàng Minh Ngọc gơbàn tìs gùng mờ tus bal tàm 1 mpồl cau blơ\ iơh bơsăk pơnrơ ngan [òn dờng Pleiku tàm rài hơ\.

Dùl nam tơnơ\, tềng đăp mờ cau cah rơ`a, Hoàng Minh Ngọc dờp jơnau lơh glài 11 nam jàm bơh anih cah rơ`a càr Gia Lai ai. Tàm hìu jàm, mờ nùs nhơm ờ su\k ơm, Hoàng Minh Ngọc neh uă dơ\ kờ` dô, mơya tài kơnờm mờ broă kơrian di tu\ bơh kuang bàng sền gàr hìu jàm, Ngọc neh go\ bơta niam bơne\ tàm rài kis mờ să jan gam kơnòm, bi lơh ngan kis niam mờ kơ\p gơn ală ngai geh rê kis niam wơl tàm rài kis:

-A` kơlôi là 19, 20 sơnam a` neh mu\t jàm. Să jan gam kơnòm lơh ngan dă lơh broă niam, den a` kis tàm hìu jàm wơl, mờ lơh roh uă broă lơh sa mpồl bơtiàn in, priă sền gàr, priă atbồ, priă mpồl bơtiàn pah ngai, pah nhai. A` lơh ờ niam tus mờ mpồl bơtiàn ngan, a` gơlơh pơlai ngan.

Geh tơmù tơngai jàm 23 nhai, nam 2009, bi Ngọc rê. Bu\ lah neh rơcang lài nùs nhơm, mơya bồ tơngoh kơlôi sơnơng, jơnau đơs bơh ală cau kis rềp bal neh uă dơ\ lơh bi dil ngan ờ g^t lơh bè lơi. Geh tu\, bi Ngọc tus lơh broă tàm 1 hìu nhơl [ài sa priă tàm lơgar Campuchia.

Di tu\ do, 1 nă kuang bàng kuang àng sơnah [òn Thắng Lợi neh tìp mờ mè bi Ngọc, sồr mò hòi kòn klao rê. Broă sền gròi bơh cau pròc mhàm bal mờ mpồl kuang àng neh kơrian bi 1 dơ\ tai, dong kờl bi geh bơta pràn rê tơmàl. 4 nam lơh broă tơriang tơriồng, tus bal dong kờl cau rơ[ah, cau kra ờ geh cau ròng siam, bi Ngọc neh tam gơl jơh nùs nhơm kơlôi sơnơng bơh ală cau kis rềp bal. Kung kơnờm mờ hơ\, bi jòi mờ geh bao 1 nă ùr ơruh niam, kis mờ lơh broă sa bơ\t bơtàu rài kis hìu nhă tòm:

-Lài ngan kal ke. A` mìng tam 300 tòm bơkào, mơya tăc ờ yòm, ờ geh anih tăc, ờ geh cau blơi kờ` tăc. Mơya đah kuang àng neh jòi lùp mờ a` neh tăc geh, hơ\ sồng [òn lơgar kung bè hơ\ sơl, kung sồr cau pròc mhàm tòm tus dong kờl tềng hìu.

Tàm bă suơn dềt sùm tàm pơdar bal tam ală bơta bơkào cúc mờ biăp, kơnuh pah nam  geh ai hìu nhă bi Ngọc rơlao 250 tơlăk priă Kơnờm mờ hơ\, bi lơh hìu dờng niam mờ blơi tai 1 bă suơn pa. Mờ nùs nhơm kơ\p kờ` geh pơgồp bal mờ mpồl bơtiàn, bi neh tus bal tàm mpồl sền gàr [òn.

Ồng Nguyễn Văn Hoàng, atbồ [òn 8, sơnah [òn Thắng Lợi, [òn dờng Pleiku pà g^t, mờ broă lơh ngan mờ jăk chài tai, bi Ngọc neh ờ ngòt glar bòl, ngòt rơngơ\t dong kờl kuang àng [òn, kuang àng [òn dờng Pleiku ku\ geh ală mpồl cau pơrlồm, cau blơ\ tàm [òn:

Tơriang tơriồng tàm broă lơh sa, kis mờ làng bol [òn lơgar niam, tus bal tàm broă lơh do sơlơ geh tơl bơta niam kờ` bi Ngọc mùl màl niam, ờ gam [às sìl mờ mpồl bơtiàn. A` là cau geh lam sồr, di lah geh broă lơi a` là cau geh kơnòl.

Kung kơnờm mờ hơ\, bi neh uă dơ\, geh Chủ tịch UBND [òn dờng Pleiku jào khà cau ling jăk chài mờ uă sră jờng rơ bơh mpồl kuang àng [òn. Mơya, di gơlan geh pơnrơ niam ngan, pơny ờ să ngan tus mờ bi di gơlan là khà pơn jờng cau niam mờ Thiếu uý Hoàng Đình Hiệp, cảnh sát [òn lơgar, kuang àng sơnah [òn Thắng Lợi ai bi in:

-Bơh 2 mpàng tê soh, să tòm bi hơ\ bơ\t bơtàu is broă lơh, tơnguh bơtàu broă lơh sa bè tu\ do. Bi Ngọc geh nùs nhơm lơh ngan uă. Tu\ do, rài kis bi neh ring niam, tàm broă lơh bal mờ mpồl bơtiàn, bi Ngọc neh tam gơl, là 1 nă cau niam bloh.

Cau cih mờ yal tơng^t Ndong Brawl