VOV4.K’ho - Gùng Trường Sơn Đông lòt gan 7 càr tiah tàm gùl lơgar mờ Tây Nguyên geh: càr Quảng Nam, Quảng Ngãi, Phú Yên, Gia Lai, Kon Tum, Dak Lak mờ Lâm Đồng, geh mpồl atbồ rơndăp broă sồ 46 gơwèt mpồl đơng lam ling klàng – Bộ Quốc phòng ala măt lơh tòm bơcri priă. Tàm càr Dak Lak, gùng do geh lơh jòng 130 kơi sồ mờ khà priă bơcri mờr 2 rơbô tơmàn priă. Mìng rơ\p rơlao 1 nam ai ngui, geh ờ uă tiah neh gơbàn tơrlah, lơh kal ke gùng lòt, ờ su\k ơm tàm mpồl bơtiàn.

Gùng Trường Sơn Đông gơl lòt gan xã Cư\ Prao mờ Ea Lai kơnhoàl Mdrak, càr Dak Lak jòng di pơgăp 20 kơi sồ. Tơnơ\ mờ tu\ lơh gơs, gơl gùng do geh jào đah atbồ gùng 3 in sền gàr, ngui bơh nhai 9 nam 2016.

                    Làng bol ờ su\k ơm tài gùng geh lơh g^t nđờ tơmàn priă rơ\p ngui mờ neh gơbàn tơrlah

Mìng rơlao 1 nam, uă gơl tàm gùng do neh gơbàn tơrlah, gơl^k geh uă ngan bă tơrlah ơnàng bơh 3 tus 4 thơ\k, jrô bơh 10 tus 15 phơng geh mờr jơh tơn tàm gùng, lơh gơbàn ờ niam ngan tus mờ broă lòt rê, rềs àr di gơlan gơbàn.

Ồng Y Son Niê, kòn cau Rơđê, kis tàm [òn Choah, xã Ea Lai, kơnhoàl Mdrak pà g^t, lài do tu\ gùng pa geh ai ngui den làng bol chờ hờp ngan, mơya nùs nhơm chờ làng bol dê ờ thàn 1 thoa den gùng neh gơbàn tơrlah, broă lòt rê, pơn diang phan làng bol dê gơbàn uă ngan kal ke:

-Hìu a` geh lơh suơn tàm tiah do, geh gùng pa lơh niam mơya tu\ do neh gơbàn tơrlah jơh, uă bă ngan lơh broă lòt rê làng bol dê gơbàn kal ke. Broă pơn diang phan làng bol dê kung gơbàn kal ke rơlao tài trồ mìu den mbè, trồ prang den gơbàn gơthul kal ke ngan tàm broă lòt rê. Tu\ do, a` dan mờ dà lơgar lơh niam wơl gùng kờ` làng bol in lòt rê niam.

Gơl gùng gơbàn tơrlah ờ mìng lơh gơbàn aniai tus mờ broă lòt rê, broă pơn diang phan làng bol dê mờ gam lơh rơndeh lòt tàm gùng do kung gơbàn kal ke, ờ gơtùi lòt mhar ngan sơl. Bi Lê Quốc Bảo, 1 nă cau măy rơndeh pơn diang phan geh lơh bơh broă lơh sa suơn sre lòt bơh càr Dak Lak tus càr Phú Yên mờ sơlơ\u wơl pà g^t:

-Gơl gùng do tàm tu\ pa geh ai ngui den niam ngan, mơya di pơgăp 1 nam pa do den gơbàn tơrlah uă ngan. Lài do lòt bơh càr Phú Yên lòt gan càr Dak Lak mờ sơlơ\u wơl mìng roh d pơgăp 30 phút, mơya tu\ do tơngai lòt rê pal uă rơlao 2 dơ\ tài gùng neh gơbàn tơrlah uă ngan, ờ gơtùi lòt jờl. Ờ mìng lòt roh uă rơlao 2 tơngai, lòt tàm gơl gùng do tu\ do kong rơndeh gơbàn bơcah sùm tài gùng ờ niam uă ir.

Khà broă lơh Đ35 gơwèt Công ty Cổ phần 482, gơwèt Tổng Công ty lơh gùng 4. Ală gơl gùng do geh lơh jăt gùng khà 4 tiah kơh bơnơm, gùng ơnàng 7 thơ\k nggùl, măt gùng ơnàng 5 thơ\k nggùl gùng geh dă mờ bê tông cài, tàm tiah geh dă mờ lu\ lơ-u\t rơlao 30 phơng…

                                  Gùng Trường Sơn Đông lòt gan càr Dak Lak rơ\p ngui neh pal lơh wơl

Ồng Nguyễn Tiến Dũng, kuang bàng lơh broă đah địa chính xã Ea Lai là cau tus bal tơn mờ broă tơm ntrờn ù tiah lơh kung bè tam jào broă ngui gùng pà g^t, broă lơh gùng do jăt khà broă bè hơ\, mơya tàm mùl màl gơbàn tơrlah bơh gùng do dê pà go\ bơta niam bơh rơndăp broă lơh do geh bơta. Ồng Nguyễn Tiến Dũng mblàng:

-Tàm xã Ea Lai, geh 2 khà broă lơh. Khà broă Đ36 den lơh mờ bê tông sơmăng den niam, ai geh bơta [uơn làng bol in uă ngan tàm broă lòt rê; tàm khà broă lơh Đ35 là gùng dă mờ cài den mìng rơ\p geh ai ngui ờ hềt tus 2 nam mờ neh pal lơh wơl sùm, bơta do pà go\ gùng geh lơh ờ kơl jăp.

Gùng gơbàn tơrlah uă lơh gơbàn aniai uă ngan tus mờ bơta niam ờ do ờ dă tàm gùng lòt. Bol a` kơlôi là broă lơh g^t nđờ tơmàn priă bè do mờ ală anih lơh broă lơh bè do den ờ di ngan, anih lơh gùng do pal geh gùng dà broă lơh niam wơl gùng niam rơlao kờ` làng bol in lòt rê.

Broă gùng pa lơh gơs ai ngui ờ hềt jo\ neh gơbàn tơrlah, ờ mìng gơbàn mờ khà broă lơh Đ35 tàm rơndăp broă lơh gùng Trường ơn Đông lòt gan càr Dak Lak, mờ lài mờ hơ\, tàm ờ uă khà broă lơh gùng tàm ală kơnhoàl hờ đah măt tơngai l^k càr Gia Lai kung gơbàn bơta ndrờm bal bè do sơl.

Cau mblàng Ndong Brawl