VOV4.K’ho - Drim òr (06/07), yal mờ cau lơh ƀăo, ala măt đah atbồ bơta niam, Bộ Giáo dục mờ Đào tạo pà gĭt, kờp tus 4 jơ 30 phút mho ngai 05 nhai 7 nam 2021, gùt lơgar geh 11 rơbô 551 nă kơnòm bơsram tàm 39 càr, ƀòn dờng pal pơrlòng jơh bơsram cấp 3 dơ̆ 2 tài gơtìp bơh kòp Covid-19, tàm hơ̆, uă ngan là 2 càr Bình Định geh 2 rơbô 569 nă mờ càr Bắc Giang 2 rơbô 477 nă.

Jăt rơndăp broă bơh Bộ Giáo dục mờ Đào tạo yal, ală kơnòm bơsram do geh tus bal pơrlòng jơh bơsram cấp 3 dơ̆ 2, tơngai geh Bộ ai tơlĭk bơh tàm bơta mùl màl bơh kòp gơtờp. Ală kơnòm bơsram gam tai ờ dờp gơrềng bơh kòp Covid-19 geh mùl màl tus bal pơrlòng jơh bơsram cấp 3 dơ̆ 1 bơh ngai 07 tus ngay 08 nhai 7. Bơdìh hơ̆ tai, Bộ Giáo dục mờ Đào tạo kung pà gĭt geh rơwah mŭt bơsram đại học dơ̆ 1 tơnơ̆ mờ jơh 2 dơ̆ pơrlòng jơh bơsram cấp 3 nàng gàr niam gơnoar kuơ, ndrờm bal ai kơnòm bơsram in. Den tàng, kơnòm bơsram tus pơrlòng dơ̆ 2 ờ pal ngòt bè bơta geh rơwah mŭt bơsram đại học.

Cau mblàng Ndong Brawl