VOV4.K’ho- Cơdŭ lơh broă Chính phủ pa geh sră nggal pơyoa UBND ală càr, ƀòn dờng Hà Nội, ƀòn dờng Hồ Chí Minh, càr Bình Dương in yal bè jơnau đơng lam bơh Thủ tướng ồng Phạm Minh Chính bè ờ uă broă tàm broă rơcang sơndră mờ kòp gơtờp.

Jăt mờ hơ̆, Thủ tướng sồr UBND ală càr, ƀòn dờng mhar lơh jăt broă sền wơl, tơmù mơ ală bơta kal ke tàm ờ uă xã, sơnah ƀòn, thị trấn bè broă dong kờl lơh sơnơn, phan sa, phan ngui ai làng bol mờ gròi sền, sền wơl broă tơl niam tàm broă rơcang sơndră mờ kòp ai mpồl lơh broă rơcang sơndră mờ kòp gơtờp, cau lơh broă nùs nhơm dong kờl, mpồl Covid-19 mpồl bơtiàn... Thủ tướng jào UBND ală càr, ƀòn dờng kơlôi sơnơng gùng dà broă lơh sền wơl, bơyai lơh ai làng bol kis tàm tiah gal cau ờ tơl niam tàm broă tam cah ngài, tam cah is di jăt mờ kơrnoăt geh ai geh dan cih măt rê hờ ƀòn lơgar tờm jăt mờ jơnau kờñ, tàm tơngu me pơgồp bal nền nòn, khoa học, ndrờm bal bơh ală tiah, gàr niam ờ do ờ dă broă rơcang sơndră mờ kòp gơtờp.

Cau mblàng Ndong Brawl