VOV4.K'ho - Tơnơ̆ mờ tŭ ƀòn dờng Hà Nội lơh thoàr ờ uă broă kă bro kung bè broă tàp pràn să jan hờ bơdìh ù tiah, geh uă làng bol, cau tờm hìu kă bro neh geh nùs nhơm ờ sền gròi, sền ờ sơ̆p, di gơlan broă gơtòp kòp wơl uă ngan.

Tềng đăp mờ bơta do, ƀòn dờng Hà Nội sồr ală tiah pal lơh niam mơ, mờ lơh glài nền nòn ală cau lơi tìs. Sền gròi broă lơh jăt ală kơrnoăt bơh ƀòn dờng dê bè broă rơcang sơndră mờ kòp tàm ờ uă quận, kơnhoàl, ồng Chữ Xuân Dũng, Phó Chủ tịch UBND ƀòn dờng Hà Nội pà gĭt, gam geh làng bol ờ sền gròi, sền ờ sơ̆p, geh tiah gam sền ờ sơ̆p mờ ală kơrnoăt geh ai tàm broă rơcang sơndră mờ kòp gơtờp; ờ gàr niam broă tam cah ngài, tơngai til mpồng hìu tăc phan ờ lơh jăt nền nòn. Chủ tịch UBND ƀòn dờng Hà Nội sồr mpồl Kuang àng, Chủ tịch UBND ală quận, kơnhoàl, đơng lam ală mpồl tơnguh broă lòt sền, sền gròi, lơh glài nền nòn ală cau lơi tìs.

Cau mblàng Ndong Brawl