VOV4.K’ho - Drim òr (04/08), Phó Thủ tướng ồng Vũ Đức Đam, Kuang atbồ Mpồl đơng lam dà lơgar rơcang sơndră mờ kòp Covid-19 pa lơh broă mờ Đah đơng lam rơcang sơndră mờ kòp ƀòn dờng Hà Nội, đơs tàm dơ̆ đơng lam pơrjum, Phó Thủ tướng ồng Vũ Đức Đam đơs tờm, Hà Nội sùm là ù tiah di gơlan kòp gơtờp uă ngan.

Tơngai do, jơh ală mpồl lơh broă chính trị bal mờ làng bol Hà Nội neh geh uă broă lơh ngan, lơh ngan nàng kơrian, gròi sền kòp gơtờp. Ƀòn dờng Hà Nội neh geh kơrnoăt di pal, bơceh lơh tàm broă lơh jăt ală broă rơcang sơndră mờ kòp gơtờp. Phó Thủ tướng pà gĭt, Mpồl đơng lam Dà lơgar rơcang sơndră mờ kòp Covid-19 mờ Hà Nội geh broă pơgồp bal niam. Ai tàm tơngu me jơnau mblàng bơh Mpồl yal tơngĭt di pal mhar mờ jơnau yal lài di gơlan gơtìp kòp gơtờp nàng rơcang mờ khà uă ngan, Mpồl đơng lam, tàm hơ̆ Phó Thủ tướng ồng Vũ Đức Đam là cau tus bal tơn neh cri bơyai mờ kuang đơng lam ƀòn dờng Hà Nội, yal mờ Thủ tướng Chính phủ nàng ring bal gùng dà broă lơh jăt Chỉ thị sồ 16 bơh Thủ tướng Chính phủ dê.

Cau mblàng Ndong Brawl