VOV4.K’ho - Hìu bơsram cấp 3 Dân tộc Nội trú Nơ Trang Lơng, càr Dak Lak pa bơyai lơh tơnkah 35 nam ngai cau pơgru Việt Nam mờ dờp huân chương Lao động khà 2.

Geh crơng gơs bơh nam 1976, hìu bơsram cấp 3 Dân tộc Nội trú Nơ Trang Lơng là 1 hìu bơsram krơi is mờ gơnoar bal mờ kơnòl bơto oh kòn làng bol kòn cau kờ` geh cau lơh broă, geh kuơ màng ai càr Dak Lak in.

Bơh hìu bơsram do, uă rài kơnòm bơsram neh jơh bơsram, neh mờ gam dờp uă kơnòl broă tàm ală anih lơh broă dà lơgar, mpồl lơh broă mpồl bơtiàn, pơgồp bal tàm broă bơ\t bơtàu càr Dak Lak sơlơ ngai sơlơ tơnguh bơtàu.

5 nam pa do, bơdìh mờ khà kơnòm bơsram geh khà jơh bơsram cấp 3 sùm tàm mpồl uă ngan càr Dak Lak dê, khà kơnòm bơsram jăk bơh hìu bơsram geh tơnguh mhar, mờ 6 nă kơnòm bơsram geh khà kơnòm bơsram jăk dà lơgar dê, 40 nă kơnòm bơsram geh khà tàm ală dơ\ pơlòng kơnòm bơsram jăk tàm tiah do, 73 nă kơnòm bơsram geh khà kơnòm bơsram jăk kơnă càr…

Cau cih mờ yal tơng^t Ndong Brawl