VOV4.K’ho- Nam 2021, Hìu bơsram Đại học Tây Nguyên kờp dŭ rơwah 3 rbô 340 nă cau bơsram dờng hệ đại học chính quy, mờ 35 gah bơsram gơwèt 8 khoa bơto bơtê, là hìu bơsram geh khà rơwah cau bơsram mờ broă bơto bơtê dờng ngan rlau jơh tàm tiah do. Tàm hơ̆ ală gah geh khà rơwah cau bơsram uă geh: Y khoa, dà Mỹ, lơh sơnơm phan ròng, lơh sa, Quản trị kinh doanh, Kế toán, Giáo dục thể chất.

Broă lơh rơwah cau bơsram nam 2021 geh lơh jat 4 broă lơh: Sền sơwì cồng nha pơrlòng jơh bơsram kấp 3 nam 2021; cồng nha pơrlòng sền sơwì pràn jak nam 2021 bơh Đại học Quốc gia ƀòn dờng Hồ Chí Minh; sền sơwì điểm học bạ; rơwah tơn jat kơrnuat rơ wah cau bơsram nam 2021.

Phó Giáo sư- Tiến sĩ Võ Phương Đại Nguyên, kuang atbồ cơldŭ bơto bơtê Đại học, Hìu bơsram Đại học Tây Nguyên pà git, broă lơh bơto bơtê nam 2021 bơh hìu bơsram dê geh gàr niam nàng cau bơsram dờng in geh bơsram ală jơnau git wă pa, drơng jơnau kờñ bơh ală cau rơ wah cau lơh broă dê tŭ lik klờng.

Cau mblàng K’Duẩn