VOV4.K’ ho-Tàm ală nam pa do, bulah khà priă cao su gơmù lơyah ngan, broă lơh sa kă bro kông ty 78 đơs is mờ Binh đoàn 15 đơs bal gơtìp uă ngan bơta kal ke, mơya bal mờ nùs nhơm bơtàu tơnguh jat gùng dà broă lơh kơ\ kơljap, sền gàr tiah ơm kis pal la broa\ lài jơh, Kông ty 78 neh bơcri ai broă lơh lơh niam wơl tiah ơm kis tàm Hìu ma\y lơh gơlik bơsơt cao su  dùl bă niam ngan geh tơl khà dà bơ\ khà A. Do là dùl tàm ală mpồl lơh sakă bro lam lài tàm càr Kon Tum dê bè gàr niam ờ do ờ dă tiah ơm kis.

            Bơh anih Kông ty 78 ơm tàm tiah tờm xã tiah nhàr lơgar Mang  Mơ Rai, lòt pơgap tàm 8 kơi sồ gan ală lô cao su tơlir niam den tus hìu ma\y lơh gơlik bơsơt cao su bơh mpồl lơh broă do dê. Geh bơcri priă bơtàu mờ mut lơh broă bơh lồi nam 2013, ơm tàm gùl bă tiah rlau 37 rơbô thơk vuông, hìu ma\y geh bơta pràn lơh gơlik 5 rơbô tấn bơsơt cao su tàm dùl nam.

            Nàng lơh niam sùm broă lơh gơlik bơsơt cao su kung bè gàr niam ờ do ờ dă tiah ơm kis in, hìu ma\y tu\ do geh 60 nă kuang bàng, cau ling mờ cau lơh broă. Tàm hơ\ geh 4 nă cau lơh broă drơng sùm tàm ròt broă ngui ma\y mok lơh niam wơl dà bơ\ neh geh bơto pơlam dùl bă niam ngan.

Thượng uý Nguyễn Đức Hoàng, Kuang atbồ hìu ma\y pà g^t, broă gàr niam ờ do ờ dă tiah ơm kis bơh hìu ma\y dê sùm geh kông ty lơh lài jơh. Thượng uý Nguyễn Đức Hoàng đơs:

            Pah nam lài mờ tu\ mut lơh broă Kông ty pờ ờ du\ bơto pơlam ai mpồl lơh broă in mờ bal mờ jơh công nhân lơh broă lài mờ pa bè broă lơh dong kờl là dùl mờ broă gàr  niam ờ do ờ dă tiah ơm kis là dơ\ bàr. Ngan là tiah lơh sa ma\y mok pal lơh git kơrhia mờ nền nòn ngan. Tàm tu\ lơh pal geh lòt sền, chùl chồl oh mi lơh jat di mờ broă lơh kỹ thuật bè gàr niam broă lơh tàm tiah ơm kis bal. Bơh broă lơh gơlik phan tus ngui broă ma\y mok phan bơna mờ tus broă lơh niam tiah ơm kis ròt lơh niam wơl dà bơ\ pal lơh jat di mờ broă lơh kỹ thuật.

            Ai git broă lơh sền gàr tiah ơm kis tàm hìu ma\y lơh gơlik bơsơt cao su pal la broa\ lài jơh bơh di tu\ lơh hìu ma\y tàm nam 2013, kông ty 78  neh bơcri lơh ròt 9 tơnau dơng dà, jồr dà bơ\ mờ tiah lơh niam wơl dà bơ\ bal mờ bă tiah 1 lồ 2 sào ù. Tus tu\ do, mờr 20 tơmàn priă neh geh Kông ty bơcri ai broă lơh niam wơl dà bơ\. Tàm lồi nam 2017, hìu ma\y geh tơl khà dà bơ\ khà A mờ lơh gơs broă crap quan trắc tự động.

Bi Võ Mạnh Cường, cau geh bơto pơlam niam ngan bè gah sền gàr tiah ơm kis, drơng broă ngui broă ma\y mok lơh niam wơl dà bơ\ tàm hìu ma\y mờ đềt mềr ngan mờ broă do bơh di tu\ hìu ma\y pa lơh gơs, pà g^t:

            Tàm tơngai ngui broă ma\y mok ròt lơh niam wơl dà bơ\ den kuơ màng ngan là bơta bơtàu tơnguh bơh vi sinh vật nàng bơsong niam wơl dà bơ\ lơh geh cồng nha uă ngan. Bơh tàm tu\ lơh broă tàm do nàng g^t rlau tai ròt bơsong dà bơ\ kông ty he dê là niam ngan.

Dơ\ dùl bè bơnah bô bơ\ tàm nhơm kis den ờ hoan geh bô mờ ờ geh bô bơ\. Dơ\ 2 tai là dà bơ\ tơnơ\ mờ tu\ lơh niam wơl den gơ ơm tàm tơnau dut ndơl gơtùi ròng ka mờ cre\ mờ bia\p lơ pươn gơs niam ngan.

            Bal mờ bơcri pràn tàm ròt lơh niam dà bơ\ , broă kông ty 78 ngui công nghệ hóa- lí sinh pơgồp bal kung neh tơnguh bơta pràn lơh niam wơl dà bơ\ nàng lơh geh ală bơta tơl khà bè tiah ơm kis in. Tàm ală tơnau lơh niam wơl dà bơ\ bơh hìu ma\y dê bia\p cre\ mờ bia\p lơ pươn gơs niam ngan, mpồl ka tàm tơnau  kung mhar dờng ngan hơ\ là bơta tềl tơngo\ loh làng ngan bè khà niam tàm dà  lài mờ tu\ yuh dà bơ\ lik tàm tiah ơm kis.

            Bơdìh hơ\, bal mờ broă lơh sền gàr tiah ơm kis là gàr niam bơta niam tàm rài kis ai să tờm cau lơh broă, ai làng bol tàm [òn lơgar kung bè ală rơnàng kòn sau pơn jat tai in, tàm hìu ma\y lơh gơlik bơsơt cao su Kông ty 78 kung neh geh tam uă ngan chi, gàr niam bơta niam hìu ma\y in mờ tơmù bơta bơ\ bơl nhơm kis.

Sền mpồl klàng kò pah nam tơrgùm tàm ală suơn cao su tàm tiah gùt dar hìu ma\y dê, mìng kơp ờ geh cau là par mù kup ka tàm tơnau, ồng A Ke, Chủ tịch Hội cau ling yau xã  Mang Mơ Rai pà g^t :

            Kông ty lơh gơlik bơsơt cao su den ờ aniai lơi tus tàm làng bol. Den tiah ơm kis a` go\ la kloh niam ngan. Làng bol kung ờ geh jơnau ờ suk  ơm lơi. Bơh nam kông ty crơng gơs lơh hìu ma\y bơsơt cao su a` g^t loh [òn lơgar tàm do mờ ờ geh jơnau ờ suk ơm lơi ờ. Hơ\ là niam ngan.

            Bal mờ bơta bơcri tơl làm jơh bal mờ bơta kơ\p\ kờ` kòn bơnus dê mờ công nghệ tàm broă lơh niam wơl dà bơ\ bơh hìu ma\y lơh gơlik bơsơt cao su, kông ty 78, Binh đoàn15, ơm tàm xã  Mang Mơ Rai, kơnhoàl Sa Thầy, là dùl tàm ală mpồl lơh sa kă bro sơnrờp ngan tàm càr Kon Tum dê geh tơl khà lơh niam wơl dà bơ\ khà A mờ lơh gơs crap quan trắc tự động.

Ờ di nùs mờ bơta neh lơh geh, Kông ty kung gam pơn jat tai lơh pa wơl mờ bơcri tai ai ròt lơh niam wơl dà bơ\ nàng sùm di pal mờ ală jơnau kờ` ngai sơlơ jơnhua sền gàr tiah ơm kis in.

Cau cih mờ yal tơng^t K’ Hạnh