VOV4.K’ho- Tơngkah 110 nam Ngai Bác Hồ lik lòt jòi gùng dong klàs dà lơgar (ngai 05/6) mờ 80 nam Ngai Bác Hồ rê wơl hờ lơgar đơng lam tơn kac màng Việt Nam (28/1), drim ngai 26/5 tàm Hà Nội, Học viện Chính trị dà lơgar Hồ Chí Minh pơgồp bal mờ Ban Tuyên giáo dà lơgar, Thành ủy Hồ Chí Minh mờ Tỉnh ủy Cao Bằng bơyai lơh pơrjum khoa học kấp dà lơgar mờ tơngume “Hồ Chí Minh mờ broă lam lơh ngan ngồn bơta kơp kơnờm lơngap lơngai is jơi bơtiàn mờ chủ nghĩa xã hội”.

Đơs tàm dơ̆ pơrjum, ồng Nguyễn Xuân Thắng, Kuang atbồ Học viện Chính trị dà lơgar Hồ Chí Minh, Chủ tịch Hội đồng Lý luận dà lơgar đơs nền, bơta kơp kơnờm lơngap lơngai is- khat gơboh- gơboh gơbài, cồng nha kac màng mờ Chủ tịch Hồ Chí Minh neh bơt bơtàu, phan lời wơl nùs nhơm bơh Bác Hồ dê pơn jat tai cèng bơta kuơ tề lam ai ală jai pha bơh kac màng Việt Nam dê in, tàm hơ̆ geh ală cồng nha dờng màng, geh kuơ kah yau bơh 35 nam tam gơl pa, bơta mờ uă dơ̆ Tổng Bí thư ồng Nguyễn Phú Trọng neh đơs nền, lơgar he ờ hềt tŭ lơi geh tŭ niam, bơta pràn, gơnoar broă mờ bơngă pin dờn dunia bè tŭ do.

Cau mblàng K’Duẩn