VOV4.K’ho- Kơ̆p kơnờm “hộ chiếu vaccine” nàng rcang wă năc dunia tàm bơta bè ờs, Bộ Thể thao- Văn hoá mờ Du lịch gam đơng lam Tổng cục nhơl chờ lơh broă mờ ală mpồl lơh broă geh gơrềng, Mpồl tam klăc bal nhơl chờ, mpồl lơh sa kă bro bơt bơtàu phan ngui nàng atbồ năc lòt nhơl. Kờp dŭ bơh tŭ do tus lồi nhai 4, Bộ do geh yal mờ Thủ tướng in ală broă geh gơrềng.

Jat hơ̆, Tổng cục Nhơl chờ Việt Nam gam kơlôi sơnơng, rcang hời rơ hời lơh tơrlòng lài sac rơwah bàr pe phan bơna, drà kă bro nàng ngui hộ chiếu vaccine, lơh geh tơl bơta nàng wă năc mờ kung gàr niam bơta ờdo ơdă rcang sơn dră kòp. Mơya, jơnau dan pờ mpồng wă năc nhơl chờ dunia pal geh lơh jat tŭ tơngai, geh tơngai lơh tơrlòng lài mờ ờdo ờdă mờ kòp sùm geh lơh lài ngan. Bơh nhai 4 /2020 tus tŭ do, Việt Nam ơm ală gùng par kă bro dunia, den khà năc dunia uă ngan là ală cau jak chài, cau lơh broă kỹ thuật cao, cau bơcri priă... bơh lơgar ndai lơh broă tàm ală rơndap broă lơh tàm Việt Nam.

Cau mblàng K’Hạnh