VOV4.K’ho - Pơn jăt tai broă bơyai lơh pơrjum dơ̆ 3, HĐND càr Dăk Lăk khoă 10, ngai òr (09/12), ală kuang bàng neh sền wơl mờ cri bơyai ală jơnau yal gơrềng tus mờ broă tơnguh bơtàu lơh sa mpồl bơtiàn càr dê tàm nam 2022 mờ tơngai bơh nam 2020 tus 2025.

                                                             Pơrjum Hội đồng Ñân dân (HĐND) càr Dăk Lăk

Ală broă gơrềng tus mờ broă hòi jà bơcri priă, ai broă lơh cau lơh broă gơtìp gơrềng tài bơh kòp Kovid-19 neh geh uă kuang bàng sền gròi. Nam 2021, khà gơguh lơh sa càr Dăk Lăk dê geh 5,1%, kờp dŭ tàm nam 2022 lơh ngan geh 7,27%, jăt ală kuang bàng đơs, nàng geh jăt mờ jơnau kờñ do tàm bơta kòp gơtờp gam kal ke mờ ờ git lài, den UBND càr pal tơrgùm tàm broă bơsong ală bơta kal ke tàm broă hòi jà bơcri priă. Kuơ màng là tiah kòl bè rơndăp broă ngui ù mờ broă tơm ntrờn ù tiah. Bal mờ broă sền gròi hòi jà bơcri priă, broă bơsong broă lơh ai cau lơh broă in kung geh ală kuang bàng cri bơyai sơl.

Jăt jơnau yal bơh Sở Lao động-Thương biñ Xã hội càr Dăk Lăk yal, tàm dơ̆ kòp Kovid-19 gơtìp dơ̆ 4, geh mờr 140 rơbô nă cau bơh ală càr hờ đah jum dà lơgar rê. Tàm hơ̆ geh mờr 24% nă cau kờñ ơm wơl tàm càr lơh broă mờ kơ̆p kờñ geh càn priă bơh 20 tus 80 tơlăk đong nàng tơnguh bơtàu broă lơh sa. Den tàng, kuang bàng dan mờ càr pal geh kơ cế, broă dong kờl bè broă càn priă sa priă cồng ờ uă nàng ai geh broă lơh cau ơm wơl tàm càr in.

Cau mblàng Ndong Brawl