VOV4.K’ho- Ngai òr (06/5), Hội đồng Nhân dân càr Dăk Lăk khoá 9, tơngai lơh broă bơh nam 2016- 2021 neh bơyai lơh dơ\ pơrjum nisơna nàng sền swì, lơh nền broă kuang bàng.

Tàm dơ\ pơrjum, ală kuang bàng neh ring bal mờ pờ tê dờp cồng nha ai tơn jơh at gơnoar broă Phó Chủ tịch Ủy ban Nhân dân càr khoá 9, tơngai lơh broă bơh nam 2016- 2021 gơ wèt mờ ồng Nguyễn Hải Ninh, lài do là Phó Chủ tịch Ủy ban Nhân dân càr (neh ntrờ` lơh broă ndai); ai tơn jơh at gơnoar broă Ủy viên Ủy ban Nhân dân càr khoá 9, tơngai lơh broă bơh nam 2016- 2021 gơ wèt mờ ală ồng: Từ Thái Giang, lài do là Kuang atbồ Sở Tài chính (neh ntrờ` lơh broă ndai), ồng Y Ring Adrơng, lài do là Kuang atbồ Mpồl lơh broă kòn cau càr (neh jơh sơnam lơh broă jat kơrnoat boh lam dê).

Hội đồng Nhân dân càr sồr tơnơ\ dơ\ pơrjum, Ủy ban Nhân dân càr mờ ală gah lơh broă geh gơrềng pal mhar lam lơh jat ală kơrnoat neh geh ring bal tàm dơ\ pơrjum pal lơh dùl ròt bal, làm tơl mờ geh cồng nha, mơkung tơnguh broă lơh gròi sền broă lam lơh jat ală kơrnoat bơh Hội đồng Nhân dân càr dê.

            Cau mblàng Lơ Mu K’Yến