VOV4.K’ho- Tơnơ̆ 3 ngai lơh broă jơh nùs, geh kơnòl, ngai 10/12, Hội đồng Nhân dân càr Dăk Lăk khóa X, tơngai lơh broă bơh nam 2021 tus nam 2026 neh lơh gơs broă lơh bơh pơrjum dơ̆ 3 dê mờ uă tơngume kuơmàng mờ lam lơh tơn jơh pơrjum. Bơh broă cribơyai, sền sơ wì tơl làm, nền nòn ală jơnau yal, sră yal, dơ̆ pơrjum neh ring bal 30 Nghị quyết. Tàm hơ̆, uă Nghị quyết kuơmàng, drơng ai bơtàu tơnguh lơh sa, niam chài- mpồl bơtiàn, sền gàr dà lơgar, sền gàr lơngap lơngai bơh càr dê in bè: Nghị quyết bè jơnau kờñ bơtàu tơnguh lơh sa- mpồl bơtiàn, sền gàr dà lơgar- sền gàr lơngap lơngai nam 2022; Broă rơndap lơh bơt bơtàu mờ bơtàu tơnguh ƀòn dờng Buôn Ma Thuột tus nam 2030, broă wèt sền tus nam 2045; dong kờl bơtàu tơnguh lơh sa mpồl cau càr Dăk Lăk tơngai bơh nam 2021 tus nam 2025.

Đơs tơn jơh pơrjum, ồng Y Viñ Tơr, Ủy viên rơcang lài Đảng dà lơgar, Chủ tịch Hội đồng Nhân dân càr, Kuang atbồ Mpồl kuang bàng Quôk hội càr Dăk Lăk đơs nền, ală Nghị quyết geh ring bal tàm pơrjum geh gơtha kuơmàng ngan gơ wèt tus mờ broă lam lơh geh cồng nha kơnòl bơtàu tơnguh lơh sa- mpồl bơtiàn bơh càr dê tàm nam 2022 mờ ală nam pơn jat tai.

Cau mblàng K’Duẩn