VOV4.K’ho - Atbồ phan bơna sơnơm tu  broa\ lơh sa suơn sre, rcang sơndra\ sa kuề sa kuà, lơh niam bal hia\ hành chính,  lơh ìol biên chế mờ tam brê la ala\ bơta  tờm ngan  geh sền, đơs wơl mờ sền gròi tàm dơ\ pơrjum dơ\ 6, HĐND càr Gia Lai khóa XI.

Jat jơnau bơh dơ\ pơrjum bao\ bơh HĐND càr Gia Lai drim 28/6, dơ\ pơrjum  dơ\ 6, HĐND càr Gia Lai khóa XI geh lơh tàm 4 ngai bơh ngai 10 tus 13 nhai 7 tus do. Tàm dơ\ pơrjum do, HĐND càr Gia Lai geh lơh ngan  đơs wơl cồng nha mut lơh broa\ lơh sa-mpồl bơtìan 6 nhai bồ nam mờ broa\ lơh mut lơh broa\ 6 nhai lồi nam, broa\ lơh rcang sơndra\ sa kuề sa kùa, ntàu tam dra\ tìs, bơta bơsong yal ya\, yal khài mờ ala\ jơnau  kờ` đơs bơh cau te\ khà.

Tàm dơ\ pơrjum do, HĐND càr Gia Lai geh sền nàng ring bal 19 pang sra\ jàu mờ rơndap lơh nghị quyết gơ rềng tus bơcri ai tus  bơhìan chài rgơi yau, bơto bơtê, bơt bơtàu phan bơna bơh sơnrờp. Mơ kung, dơ\ pơrjum  geh lời ua\ tu\ jiơ nàng geh sền, đơs wơl sền gròi ala\ cồng nha mut lơh ờ ua\ nghị quyết  kuơ màng bè mut lơh broa\ lơh tam 7 rbô lồ brê, lơh bal hia\ sra\ nggal hành chính,  lơh ìol biên chế mờ ngan la sền gròi bè broa\ lơh atbồ phan bơna, sơnơm tu  phơng tuh lơh broa\ sa suơn sre.

Cau mblàng K’ Brọp