VOV4.K’ho- Chính phủ Hungary neh lơh nền pà Chính phủ Việt Nam in 100 rbô ding sơnơm vaccine AstraZeneca mờ 100 rbô bộ xét nghiệm kháng thể mhar nàng sơndră mờ kòp Covid-19. Tàm tơngai kòp bơtờp pơn jat tai geh ală broă gơlik geh kal ke mờ bơta geh ală jơi tam gơl sa pa mờ khà ngòt rơngơt uă, bơtờp mhar, Chính phủ Việt Nam neh đal git broă dờp geh uă khà sơnơm vaccine mờ mhar cit sơnơm vaccine tàm uă tiah là broă lơh kuơmàng mờ jal mhar tŭ do.

Broă Chính phủ Hungary lơh nền dong kờl sơnơm vaccine mờ bộ xét nghiệm kháng thể mhar ai Việt Nam in là broă lơh kuơmàng ngan ai gŏ git gơp lơh broă tơl làm niam bơnĕ đah Việt Nam mờ Hungary tàm rlau 70 nam do, mờ kung ai tơnggŏ bơta tam pà bal mờ gơp tàm tŭ kal ke, lơh ngan pơgồp bal bơta pràn dùl nùs bal kơryan kòp Covid-19 tàm gùt plai ù.

Cau mblàng K’Duẩn