VOV4.K’ho - Ia Grai là kơnhoàl tiah nhàr dà lơgar geh bơta mpồl bơtiàn kal ke ngan càr Gia Lai dê mờ khà dơ\ tìs mờ adăt boh lam pah nam gơguh uă, cau tìs kă bro, prăp gàr ma tuý sùm lơh broă. Ală nam do, mpồl cảnh sát lùp khào cau tìs ku\p màng-lơh sa-ma tuý, kuang àng kơnhoàl Ea Grai neh lơh broă, ndrờm bal uă broă lơh kờ` gàr niam bơta lơngăp lơngai, ờ do ờ dă mpồl bơtiàn, pơgồp bal tàm broă gàr niam bơta lơngăp lơngai tàm tiah do.

Tus tu\ do, làng bol kis tàm kơnhoàl Ia Grai gam kah sùm broă bè mpồl klao pơnu kơ`ao phan, lơh ờ su\k ơm tàm làng bol pơgăp mờ do 2, 3 nam. Mpồl klao pơnu do geh di pơgăp 20 nă, ntrờm là ală klao pơnu kòn cau Jarai ờ lah lơh broă, ngir ma tuý mờ mìng kờ` nhơl gời. Tơnơ\ mờ tu\ neh kơ`ao geh uă dơ\ phan bơna tàm ală kơnhoàl Cư\ Pưh, Cư\ Sê, Cư\ Prông, [òn dờng Pleiku, lồi nam 2015, mpồl klao pơnu do ntrờn tus kơnhoàl Ia Grai, pơn jăt tai kơ`ao phan tàm ală xã Ia Hrung, Ia Tô, kơnhoàl Ia Grai, kơ`ao g^t nđờ rơhiang tơlăk priă bal mờ uă phan bơna geh kuơ bơh làng bol.

Tơnơ\ mờ tu\ geh dờp jơnau yal, mpồl cảnh sát lơh glài ku\p màng-lơh sa-ma tuý, kuang àng kơnhoàl Ia Grai neh bơyai lơh uă gùng sền gròi kơrian. Mìng tàm ờ tơl dùl nhai, mpồl cảnh sát do neh go\, tơrgùm tơl jơnau yal bè ală broă lơh, rài kis, broă lòt rê mờ bơyai lơh ku\p jơh ală klao do tơn tơnơ\ mờ hơ\. Đại uý Nguyễn Thanh Hà, Phó kuang atbồ mpồl cảnh sát lơh glài ku\p màng-lơh sa-ma tuý, là dùl  tàm ală cau tus bal ku\p ală klao pơnu ờ lơh lơh broă do pà g^t:

-Mpồl klao pơnu do lơh gơbàn uă dơ\ kơ`ao phan bơh tàm ală kơnhoàl, lơh gơbàn ờ su\k ơm tus mờ làng bol. Mpồl cảnh sát sền gròi lài ngan, ală klao do go\ den tàng neh ntoăt dô tus tàm tiah nhàr dà lơgar. Tơnơ\ mờ hơ\, bol a` pơgồp bal mờ ală kuang bàng kơnhoàl Cư Sê, Phú Thiện hơ\ sồng ku\p geh mpồl klao do. Broă do, ală klao do tơl^k nùs nhơm kơl dang ngan, geh tu\ ngui pềs dră wơl mờ mpồl kuang bàng.

Tàm bồ nhai 4 nam do, tơnơ\ mờ tu\ geh dờp jơnau yal bơh làng bol tàm xã tiah nhàr dà lơgar Ia O bè broă gơguh cau ngui ma tuý tàm xã do, Kuang àng kơnhoàl Ia Grai neh tus sền mờ go\ Lương Văn Nang, deh nam 1986 mờ Lô Ba Duy bơh càr Nghệ An tus tàm do ơm kis.

Sơgràm broă lơh là ală cau lơh broă sa suơn sre, ală klao do neh lơh gùng dà kă bro ma tuý tàm xã tiah nhàr dà lơgar. Khà cau ngui ma tuý tàm xã do gơguh, pơn jăt bal lơh gơguh uă cau tìs glài ndai. Tơnơ\ mờ uă ngai sền gròi, krăo, mpồl kuang àng bơh mpồl ku\p glài ku\p màng-lơh sa-ma tuý neh ku\p Lương Văn Nang tu\ gam tăc ma tuý.

Tơnơ\ mờ hơ\, Lô Ba Duy kung neh tus anih lơh broă kuang àng kờ` tơl^k măt is sơl. Bơh broă lùp khào mờ sền tàm hìu ơm bơh ală klao do, anih lơh broă kuang àng kơnhoàl kung neh go\ rơlao 6 gram ma tuý bal mờ g^t nđờ rơhiang tơlăk priă ngan bơh broă tăc ma tuý tàmn xã tiah nhàr dà lơgar Ia O, kơnhoàl Ia Grai, càr Gia Lai mờ kơnhoàl Ia Hdrai, càr Kon Tum.

Trung tá Phạm Chính Nghĩa, kuang atbồ mpồl cảnh sát lơh glài ku\p màng-lơh sa-ma tuý, kuang àng kơnhoàl Ia Grai pà g^t, mpồl do sùm sền broă tam dră mờ cau tìs ma tuý là 1 broă lơh tòm tàm broă lơh mpồl dê:

-Tàm nam do, bol a` neh kơrian 8 dơ\ gơrềng mờ ma tuý, yă 10 nă cau. Bal mờ hơ\, bol a` neh tam dră mờ ală cau ngui ma tuý, cèng 13 nă cau mu\t tàm hìu ơ\t ngir ma tuý mờ 6 nă cau tàm hìu bơto. Hơ\ là cồng nha lơh ngan tàm broă lơh bơh ală oh mi tàm mpồl dê.

Bơh nam 2016 tus tu\ do, kơnhoàl Ia Grai kờp jơh neh gơbàn 190 dơ\ tìs mờ adăt boh lam mờ 16 dơ\ kă bro, prăp ma tuý. Tàm hơ\, jơh ală là ndrờm dờng màng, geh uă bè ală cau tìs gơsơ\t cau, kơl tơ\ kơnòm ùr dềt. Mờ gùng dà broă lơh ngan ờ gơtùi lời mờ ală bơta tìs do, sền gàr bơta lơngăp lơngai làng bol, mpồl cảnh sát lơh glài ku\p màng-lơh sa-ma tuý, kuang àng kơnhoàl Ia Grai neh lơh ndrờm bal uă broă lơh kờ` kơrian mhar, geh cồng nha.

Bơh nam 2016 tus tu\ do, khà dơ\ lùp khào cau tìs bơh mpồl cảnh sát do dê sùm geh rơlao 80% khà dơ\ ală broă ku\p glài, yă g^t nđờ 10 nă cau tìs. Tàm broă tam dră mờ cau tìs ma tuý, pah nam, mpồl do neh kơrian mờr 10 dơ\ kă bro, prăp ma tuý, ai g^t nđờ 10 nă cau lòt ơ\t ngir ma tuý. Do là bơta tòm gàr niam bơta lơngăp lơngai ờ do ờ dă mpồl bơtiàn tàm kơnhoàl do tơngai do.

Mờ ală cồng nha gàr niam neh lơh geh, ală nam do, mpồl cảnh sát lùp khào tìs glài ku\p màng-lơh sa-ma tuý, kuang àng kơnhoàl Ia Grai neh dờp geh uă sră jờng rơ bơh Bộ Kuang àng, kuang àng càr Gia Lai bal mờ gơnoar atbồ kơnhoàl, Trung tá Nguyễn Phi Hùng, Phó kuang atbồ kuang àng kơnhoàl Ia Grai pà g^t:

-Đảng uỷ kuang àng kơnhoàl Ia Grai sùm tơrgùm bơto bơtê kuang bàng, cau ling bè nùs nhơm chính trị, nùs nhơm niam, rài kis, bơta ngăc ngar tàm broă lơh mờ lam sồr pơrlòng tàm gùt mpồl. Mpồl kuang àng kơnhoàl Ia Grai sùm lơh ngan bơsram tàp, lơh gơs jăk chài ală kơnòl mờ Đảng, Dà lơgar bal mờ làng bol jào.

Cau mblàng Ndong Brawl