VOV4.K’ho- Ngai 21/9/2021, Chính phủ Italia yal kơrnoat dong kờl bơtơl 796 rơbô ding vaccine AstraZeneca ai Việt Nam in bơh broă lơh COVAX nàng kờñ dong kờl Việt Nam rcang sơndră mờ kòp dờng Covid-19.

Kơrnoat pa ngan rlau jơh do tơnguh kờp jơh khà vaccine mờ lơgar Italia dê dong kờl ai Việt Nam in là rlau 1 tơlak 600 rơbô ding, ai lơgar Việt Nam gơ gơs là dùl tàm ală lơgar ai lài dờp geh vaccine dờng ngan rlau jơh bơh Italia dê tàm gùt plai ù. Italia kung là dùl tàm ală lơgar tàm Mpồl tam klăc châu Âu (EU) dong kờl dờng ngan rlau jơh ai Việt Nam in bơh broă lơh COVAX. Do là bơta dong kờl dờng màng mờ di tŭ, tơngŏ nùs nhơm tam klăc bal bơh Chính phủ mờ làng bol Italia dê gơwèt mờ Việt Nam tàm tơngai kal ke. Lài hơ̆, ngai 14/9/2021, Việt Nam neh dờp 812 rơbô 60 ding vaccine bơh Italia dê drơng broă lơh cĭt sơnơm vaccine rcang sơndră kòp Covid-19

Cau mblàng K’Hạnh