VOV4.K’ho- Tàm pơrjum lam lơh jat Kơrnuat bơh Thủ tướng Chính phủ dê ring bal “Rơndap broă sơlơ tơnguh pràn jak ală anih atbồ gah lơh sơnơm phan ròng ală kấp tơngai bơh nam 2021 tus nam 2030”, hòi lơyah là rơndap broă gah lơh sơnơm phan ròng geh lơh drim ngai 15/4 tàm Hà Nội, ală kuang bàng ring bal uă đơs là, pal mhar lam lơh broă pồ tơl mờ sơlơ tơnguh pràn jak mpồl lơh sơnơm phan ròng ală kấp nàng tơnguh pràn jak rơcang sơndră kòp bơtờp geh cồng nha tàm phan ròng.

Tàm pơrjum, ală kuang bàng ring bal uă mờ broă pơnjat tai sơlơ tơnguh pràn jak mpồl lơh sơnơm phan ròng ală kấp nàng lơh gơs niam ală kơnòl broă mờ jơnau sồr ngai sơlơ uă mờ ală bơta lòng, bơta kal ke lơh broă bal mờ dunia ngai sơlơ dờng, ngan là bơta kal ke bè kơryan, sền gròi niam ală bơta kòp bơtờp ngòt rơngơt, kòp bơtờp bơh phan ròng tus kòn bơnus. Jat hơ̆, geh sơlơ tơnguh pràn jak atbồ, sền gròi kòp bơtờp tàm phan ròng, kòp bơtờp đah phan ròng mờ kòn bơnus.

Cau mblàng K’Duẩn