VOV4.K’ho - Tàm Hà Nội, Ƀan Tuyên giáo Dà lơgar pa bơyai lơh pơgồp bal mờ ală anih lơh broă gơrềng bal bơyai lơh dơ̆ jào khà dơ̆ pơrlòng jòi nàng wă mờ tiah nhàr dà lơgar mờ tơngu me “Tiah nhàr dà lơgar añ dê”.

Dơ̆ pơrlòng pờ tơlik tàm internet nàng jòi wă “Tiah nhàr dà lơgar añ dê” nàng lam sồr, ai tơngŏ gùng dà broă lơh di pal bơh Đảng, Dà lơgar mờ ală broă lơh ngan bơh ală tiah dê tàm broă lơh jăt broă lơh jŏ jòng tàm broă sền gàr tiah nhàr dà lơgar, mùl màl lơh jăt Nghị quyết Pơrjum dờng dơ̆ 13 Đảng dê. Mờ pơgồp bal tàm broă lam sồr nùs nhơm kờñ gơboh mờ dà lơgar tàm bơta pa. Bŭ lah do là dơ̆ sơnrờp geh bơyai lơh, mơya mìng tàm tơngai ờ jŏ, dơ̆ pơrlòng neh hòi jà geh broă tus bal mờ dờp bal bơh 1 tơlăk nă cau pơrlòng tus bal mờ rơlao 2 tơlăk dơ̆ pơrlòng mờ jơh ală làng bol tus bal, uă bơta bè sơnam bal mờ jơi bơtiàn kòn cau. Mpồl bơyai lơh neh jào 1 khà kuơ màng, 1 khà 1, 1 khà bàr, 1 khà 3 mờ 2 khà pơn jờng ai ală mpồl pơrlòng geh cồng nha jăk ngan in.

Cau mblàng Ndong Brawl