VOV4.K’ho - Ngai òr (25/11), Ban Thường vụ Tỉnh ủy Dăk Lăk neh bơyai lơh dơ̆ tơn jơh pơrlòng Sră ƀăo bè bơ̆t bơtàu Đảng càr Dăk Lăk dơ̆ 3 nam 2021 mờ lam sồr dơ̆ pơrlòng Sră ƀăo bè bơ̆t bơtàu Đảng càr Dăk Lăk dơ̆ 4 nam 2022.

                                   Mpồl bơyai jào sră jờng rơ ai ală cau geh khà pơn jờng in

Tơnơ̆ mờ rơlao 8 nhai lơh, Mpồl bơyai lơh neh dờp geh mờr 130 jơnau cih sră ƀăo tàm 4 bơta: ƀăo lip, ƀăo điện tử, sơnđio rùp, pờ tơlik jơnau đơs. Geh uă ală jơnau cih neh ai uă ngan tơngai lơh, tơngu me niam, geh broă jòi sền, yal di pal bơta broă bơ̆t bơtàu Đảng càr Dăk Lăk dê. Mpồl bơyai lơh neh jào 2 khà A, 3 khà B, 5 khà C, 9 khà pơn jờng ai ală cau cih, mpồl cau cih geh khà pơn jờng in; rơwah 17 jơnau pơyoa tus pơrlòng Khà mơ̆ mŭt rơmit gùt lơgar dơ̆ 6 nam 2021.

Tàm dơ̆ pơrjum, kuang đơng lam Tỉnh ủy Dăk Lăk neh lam sồr dơ̆ pơrlòng sră ƀăo bè bơ̆t bơtàu Đảng càr dơ̆ 4 nam 2022, mờ sồr ală anih lơh broă bơyai lơh, rơcang ai jơnau tơngit di jăt mờ kơrnoăt neh geh ai đơs, ai tơl bơta niam nàng kuang bàng, cau geh đảng, làng bol, cau lơh ƀăo ngan mờ ờ ngan tus bal tàm dơ̆ pơrlòng...

Cau mblàng Ndong Brawl