VOV4.K’ho- Gờm chờ tơngkah kir sơnrai 46 nam ngai tơngklàs jơh gùt tiah đah jum, dà lơgar tơrgùm dùl (30/4/1975- 30/4/2021), Đoàn ơruh pơnu Công ty Ồs đèng Dăk Lăk neh lơh mờ jàu broă lơh “Sòl àng gùng ƀòn” tàm Brê dà lơgar Yok Đôn, kơnhoàl Buôn Đôn.

Broă lơh geh 10 nơm ƀong đèng sòl àng mờ ồs đèng măt tơngai bal mờ kờp jơh priă blơi là rlau 20 tơlak đong. Broă crăp ơn mờ ai ngui ală ƀong đèng sòl àng mờ ồs đèng măt tơngai pơgồp bơnah tềm pềr ồs đèng, tềm priă tă tàm ală tŭ ngui. Bal mờ broă drơng jơnau kờñ lòt rê, lơh broă, lòt nhơl tàm trồ mang tàm Brê dà lơgar, broă lơh do gam pơgồp bơnah tơnguh uă bơta lơngăp lơngai rơndăp tăp sèng tàm tiah do.

Cau mblàng Lơ Mu K’Yến