VOV4.K’ho- Mho ngai 29/03, tàm hìu lơh broă Quốc hội, Ủy ban Thường vụ Quốc hội bơyai lơh dơ̆ jàu pà Gai lòng kir sơnrai lơh broă Quốc hội ai ală Kuang bàng Quốc hội khóa 14 in. Mò Nguyễn Thị Kim Ngân Chủ tịch Quốc hội đơng lam dơ̆ jàu pà.

Jàu Gai lòng kir sơnrai pà ală Kuang bàng Quốc hội khóa 14 in

Đơs tàm dơ̆ jàu pà, mò Nguyễn Thị Kim Ngân Chủ tịch Quốc hội pà gĭt, do là tŭ tơngai kuơ màng ngan nàng jờng rơ, cih dờp, pơn jờng ală bơta tă pơgồp uă ngan, geh cồng ngan bơh ală Kuang bàng Quốc hội dê gơwèt mờ ală broă lơh bơh Quốc hội dê tàm tơngai lơh broă pa do kung bè ală tơngai lơh broă mờr tus, pơgồp bơnah tàm pơrdờn gùng lòt 75 nam crơng gơs mờ bơtàu tơnguh bơh Quốc hội Việt Nam dê. Tàm dơ̆ jờng rơ, ồng Trần Văn Túy, Kuang atbồ Mpồl lơh broă Kuang bàng (Ủy ban Thường vụ Quốc hội) neh sền Nghị quyết bơh Ủy ban Thường vụ Quốc hội dê bè broă pà Gai lòng kir sơnrai lơh broă Quốc hội Việt Nam gơwèt mờ 472 nă Kuang bàng Quốc hội khóa 14 in.

 Cau mblàng K’ Hạnh