VOV4.K’ho- Mho ngai 29/12, tàm Hà Nội, Cơldŭ Kă bro mờ Lơh sa mờ măy mok Việt Nam bơyai lơh Dơ̆ jàu pà sră jờng rơ “Ùr lơh sa kă bro Việt Nam pơnrơ ngan- Kup Bơkàu hồng Biàng”. Tus bal dơ̆ Bơyai lơh jàu pà do geh Ƀí thư Đảng Dà lơgar, Kwang ătbồ Ƀan hòi jà làng bol Dà lơgar mò Bùi Thị Minh Hoài; Phó Củ tịc lơgar mò Võ Thị Ánh Xuân.

Sră jờng rơ “Ùr lơh sa kă bro Việt Nam pơnrơ ngan- Kup Bơkàu hồng Biàng” geh jàu pà ai 60 nă ùr lơh sa kă bro pơnrơ ngan in tàm nam do, nàng kờñ cih dờp, jờng rơ mờ pơn jờng ală ùr lơh sa kă bro pơnrơ ngan, sùm lơh ngan, rơcăng lài, pin dờn jòi gùng dà broă lơh, gơdờp mờ sơrlèt gan kal ke, bơta lòng, bơtàu tơnguh kơ̆ kơl jăp. Bơh hơ̆, geh ală tă pơgồp kwơmàng ai bơta bơtàu tơnguh lơh sa- mpồl bơtiàn bơh dà lơgar dê tàm tơngai kòp dờng Kovid-19 gơbàn kal ke mờ trồ tiah mìu càl rbŭt dờng lơh aniai tài bơh tam gơl trồ tiah.

Cau mblàng Lơ Mu K’Yến