VOV4.K’ho – Tàm Hà Nội, Bộ Y tế bơyai lơh dờp sră photo sră pơyua bơh Chủ tịch Hồ Chí Minh dê pơyua pơrjum kuang bàng lơh sơnơm bồ nam 1955. Sră pơyua neh gơ gơs là tềl kah yau kuơ màng crơng gơs ngai bơhìan gah lơh sơnơm – Ngai tơngkah cau lơh sơnơm Việt Nam 27/02. Pơgap mờ do 63 nam, Chủ tịch Hồ Chí Minh neh pơyua sră tus pơrjum kuang bàng lơh sơnơm bơyai lơh tàm Hà Nội.

Tàm sră pơyua lơyah geh 368 akhar, Bác Hồ nting tơngkah kuang bàng y, bác sỹ kờ` pal song dơpă tam klac bal; kờ` gơboh cau kòp – cau lơh sơ nơm niam pal bè cau mè lơ bơn niam; lơh ngan bơt bơtàu rài y học dà lơgar. Đơs tàm dơ\ dờp sră photo sră pơyua bơh Bác Hồ dê, ala mat Bộ Y tế đơs tờm, tàm sùm 63 nam do, jơnau bơto sồr bơh Bác Hồ dê kung gam bè ờs bơta kuơ mờ gơ gơs là jơnau lơh jat ai gah lơh sơnơm in.