VOV4.K’ho – Drim ngai 20/5, tàm hìu lơh broă Quốc hội Campuchia neh geh lơh dơ\ jàu phan lơh sơnơm bơh Chủ tịch Quốc hội Việt Nam dê pà Quốc hội mờ Thượng viện Campuchia in nàng bal mờ gơp rơcang sơndră kòp Covid-19. Đại sứ Vũ Quang Minh ala mat Chủ tịch Quốc hội Việt Nam, mò Nguyễn Thị Kim Ngân neh jàu pà 30 rbô nơm chèu glòm muh mat dră khuẩn ai ala mat Quốc hội, Thượng viện Campuchia in.

Đại sứ Việt Nam đơs là, tàm tu\ tơngai kòp Covid-19 gam pơn jat tai lơh gơbàn ală gơ rềng ờ niam, Quốc hội Việt Nam kờ` tam pà dùl bơnah bơta pràn he dê nàng dong kờl Quốc hội, Thượng viện Campuchia tàm broă lơh rơcang sơndră kòp Covid-19. Phan pà do ai tơnggo\ nùs nhơm niam bơh Quốc hội mờ làng bol Việt Nam dê, tam pà kal ke bal mờ làng bol Campuchia, kơp kờ` phan pà do geh tơnguh tai dùl bơnah nùs nhơm, phan bơna dong làng bol Campuchia mhar kơryan gơtùi kòp Covid-19.

Cau mblàng K’Duẩn