VOV4.K’ho-Tam lơh neh gơ lòt ngài mơya tus tu\ do ù tiah mờ kòn bơnus Việt Nam kung gam ko\ng aniai kơ` jơ\ kơ` ju\t ngan tài bơh [ồm mền, gar phàu, siau phàu gam jơngkah wơl.

Tàm càr Kon Tum, tam lơh cui rơcai ngan lài mờ ngai tơngklàs dà lơgar, [ồm mền, siau phàu gam jơngkah wơl sơlơ gơ gơs là jơnau pơhìn geh sùm, pơhìn màng kis làng bol dê.

Di Ngai Dunia rơcang sơndră [ồm mền 4/4, Khoa Điềm, cau ai tơngi\t jơnau đơs Việt Nam tàm Tây Nguyên geh dơ\ lùp Trung tá Hồ Phương Ngọc, Kuang atbồ ling lơh gùng gơwèt Gah đơng lam ling klàng càr Kon Tum bè broă do…

Ơ ồng, tàm càr Kon Tum, [ồm mền gam jơngkah wơl tơnơ\ rài tam lơh pơhìn bè lơi gơwèt tus mờ làng bol tàm càr?

Trung tá Hồ Phương Ngọc: Bulah tam lơh neh gơ lòt ngài mơya bơh lòt sền ngan ngồn tàm ù tiah bơh ală mpồl lòt sền bè bơta gam jơngkah wơl [ồm mền tơnơ\ rài tam lơh, den tàm ù tiah càr Kon Tum tu\ do jơh ală bă ù tàm càr dê ndrờm gam jơngkah wơl [ồm mền.

Bè [ồm mền gam jơngkah wơl tơnơ\ rài tam lơh là ală bơta [ồm bi, gar năt, ală bơta mền, ală bơta [ồm. Bơta jrô geh ală tiah gơ gam ơm tềng măt ù. Geh ală tiah gơ ơm jrô bơh 30 tus 60 phơng. Ngan là ală bơta [ồm khuàng gơ ơm jrô tàm dơlam ù tiah bơh 10 tus 15 thơk kung geh sơl.

Broă bơsong jơnau gơlời wơl bơh [ồm mền tàm ù tiah càr Kon Tum tàm ală nam do geh lơh bè lơi, ơ ồng?

Trung tá Hồ Phương Ngọc: Tàm pơgăp 10 nam rềp ndo, bal mờ bơta bơtàu tơnguh bơh rài lơh sa dê, broă rồ ù, lơh gùng geh lơh tàm làm bă tiah. Tàm ù tiah càr Kon Tum tàm ală nam do, mpồl ling lơh gùng bơh Gah đơng lam ling klàng càr dê. Hơ\ sồng ală mpồl ling lơh gùng tàm jơh gùt mpồl ling neh lam lòt jòi rồ [ồm mền kung uă sơl.

Tàm ală rơndăp broă lơh, mpồl ling lơh gùng càr Kon Tum dê neh jòi rồ geh pơgăp 500 lồ mờ khòm tơrgùm siau phàu mờr 12 tấn. Bal mờ hơ\ tàm ală nam do, geh bơta sền gròi bơh Chính phủ mờ Dà lơgar dê kung neh geh Broă lơh broă dà lơgar bè bơsong jơnau gơlời wơl bơh [ồm mền tơnơ\ rài tam lơh lơh aniai.

Bơh nam 2010 tus tu\ do, tàm rơndăp broă lơh 504 bơh Chính phủ dê neh jòi rồ [ồm mền geh 13 rbô lồ. Sền bal, tơrgùm tàm ală kơnhoàl: Ngọc Hồi, Kon Plông, Ia H’Drai, Sa Thầy. Mơya, ù tiah dờng ơning ơnàng ngan mìng lòt jòi rồ geh dùl bơnah dềt lơm tàm ală tiah làng bol ơm kis. Bơnah bă ù gam jơngkah wơl [ồm mền là uă ngan.

Tơngai tus, nàng gơtùi sơrbac mhar jòi rồ jơh ală [ồm mền nàng lơh kloh ù tiah, ngan là tàm ală tiah làng bol ơm kis, den ală oh mi kờ` pal geh bơtơl ală bơta pràn lơi, ơ ồng?

Trung tá Hồ Phương Ngọc: Nàng kờ` jòi rồ geh jơh ală [ồm mền gam jơngkah wơl tơnơ\ rài tam lơh tàm ù tiah jơh gùt càr dê, ngan là tàm ală tiah làng bol ơm kis, Gah đơng lam ling klàng càr Kon Tum kung neh dan mờ UBND càr Kon Tum dan mờ Dà lơgar bơtơl ală bơnah priă jền nàng jòi rồ jơh ală bă ù dờng, kuơmàng là ală tiah làng bol ơm kis.

Bal mờ hơ\, kung hòi jà ală mpồl lơh broă ờ di gơnoar atbồ lơgar sền gròi cau sền gròi tus bơta gam jơngkah wơl [ồm mền tơnơ\ rài tam lơh tàm lơgar Việt Nam bơcri priă nàng lơh ngan jòi rồ jơh [ồm mền gam jơngkah wơl sơlơ gờ` sơlơ niam jơh ală bă ù gam jơngkah wơl [ồm mền, kuơmàng là tàm ală tiah geh gal làng bol ơm kis.

Di Ngai Dunia rơcang sơndră [ồm mền, ồng geh jơnau lơi bơto tơngkah gơwèt mờ ală làng bol tu\ do gam ơm kis tàm tiah gam jơngkah wơl [ồm mền, ơ ồng?

Trung tá Hồ Phương Ngọc: Dơ\ dùl là ală mpồl lơh broă, mpồl cau mblàng yal làng bol in nàng cau in gi\t geh bơta gơ aniai bơh [ồm mền dê mờ bơta ngòt rơngơ\t bơh [ồm mền gam jơngkah wơl dê. Bơta dơ\ bàr là kung kờ` làng bol tu\ mờ sền go\ geh [ồm mền gam jơngkah wơl tơnơ\ rài tam lơh den pleh ơm rềp mờ gơ mờ pal geh broă lơh gàr niam bè ờs tiah hơ\, yal mờ ală anih lơh broă geh gơnoar in nàng anih lơh broă geh gơnoa ai cau geh broă lơh mờng chài tus bơsong. Pleh tam tìp mờ gơ, ngòt gơ niai ngòt rơngơ\t tus màng kis bơh làng bol dê.

Ơi, dan ưn ngài ồng uă ngan!

Cau mblàng mờ yal tơngi\t- Lơ Mu K’Yến