VOV4.K’ho- Nàng kờ` dong năc lòt nhơl mờ cau ngui sa in iang nùs ngui sa ală phan bơna pơnrơ ờdo ờdă, di mat kă bro bơh Dà Làc dê, càr Lâm Đồng gam sơrbac mhar lơh rơndăp broă lơh jòi gi\t wơl anih lơh gơlik ală bơta phan pơnrơ bơh phần mềm quét mã vạch. Dà Làc, càr Lâm Đồng dê tu\ do geh 183 anih tam, lơh gơlik phan mờ kă bro ală bơta phan pơnrơ Dà Làc dê, tàm hơ\ uă ngan là lơh gơlik jat broă lơh mờ tê lơm.

Jòi gi\t wơl anih tờm lơh phan pơnrơ Dà Làc dê bơh phần mềm quét mã vạch 

Tơngai lài, bơta phan pơnrơ Dà Làc dê neh gơtìp sơgràm aniai uă ngan tài bơh uă bơta phan ờ geh gi\t anih lơh gơlik. Broă do lơh gơlik hoàc hươr uă bè lơh sa, gơrềng tus bơngă pin dờn, mat kă bro phan lơh gơs bơh sươn sre Dà Làc dê mờ gơnoar kuơ cau ngui sa dê.

Rơndăp broă lơh “Bơ\t bơtàu sră nggal, ngui măy mok yal tơngi\t jơnau atbồ, jòi gi\t wơl anih lơh gơlik ală bơta phan pơnrơ Dà Làc” geh càr lơh nàng kờ` kơryan jơh bơta geh ngan do. Cau ngui sa geh jòi gi\t wơl geh ală jơnau yal bè anih lơh gơlik phan bơna bơh mã số, mã vạch geh li\p tàm kơldung prăp phan bơh phần mềm quét mã vạch tơrgùm tơmu\t tàm điện thoại ngac ngar.

 Cau mblàng Lơ Mu K’Yến