VOV4.K’ho- Gơ ơm tàm ală broă lơh bơh Pơrjum dờng Kes priă Tiah ơm kis gùt plai ù dơ\ 6 geh lơh tàm Đà Nẵng, tàm poh, Bộ Tài nguyên mờ Môi trường pơgồp bal mờ Ngân hàng dunia bơyai lơh cribơyai: “Sền gàr li la phan kis mờ Nhơl chờ kơ\ kơl jăp” kờ` tàm yal tơngi\t bal bơta mờng chài kờ` sơlơ tơnguh tai pràn jak atbồ sền gàr li la phan kis, bơtàu tơnguh nhơl chờ kơnờm tàm brê bơnơm geh is kơ\ kơl jăp jat gùng dà lơh geh uă cồng nha ală bơta priă gam geh tu\ do, mơkung dong tơnguh lơh broă bal tàm gah broă sền gàr gơ jat bal mờ nhơl chờ kơ\ kơl jăp tàm Việt Nam.

Việt Nam tu\ do geh rlau 180 tiah sền gàr brê bơnơm geh is mờ 63 tiah sềm kuơmàng. Do là ală phan geh is kuơmàng nàng bơtàu tơnguh nhơl chờ brê bơnơm.

Jat tơrgùm kờp bơh Viện kơlôi sơnơng bơtàu tơnguh nhơl chờ dê, ală brê dà lơgar mờ tiah sền gàr tàm Việt Nam gơhòi gơ jà rlau 30% năc lòt nhơl pah nam. Kờp jơh priă tă pơgồp bơh Nhơl chờ mờ atbồ, đơng lam nhơl chờ tàm GDP bơh Việt Nam dê là rlau 18 tơmàn dolar Mỹ, tus rlau 9% kờp jơh GDP tàm nam 2016.

Bulah geh uă broă lơh ngan tàm broă atbồ li la phan kis mờ bơtàu tơnguh nhơl chờ brê bơnơm tàm tơngai lài, mơya li la phan kis bơh Việt Nam dê kung gam tàm gùng dà ngai sơlơ gơmù.

Brê, ală dà dờng, dà croh, kơl huc, tơnau dà…pơn jat tai gơtìp pơhìn. Ală broă lơh jòi, ting cuh, tăc bro mờ ngui sa tìs mờ kơrnoat boh lam phan brê, phan pơhìn chơ\t roh jơh kung gam gơlik sơl pah ngai.

Bơta bơtàu tơnguh sơrbac mhar bơh nhơl chờ tàm bàr pe tiah dê neh gơrềng ờ niam tus brê bơnơm geh is, lơh rlau ir mờ bơta ko\ng jai bơh tiah ơm kis dê bè tam gơl jơnau kờ` ngui ù, lơh tơrmù bă brê, tam cah ù tiah brê bơnơm [òn lơgar, lơh aniai ală nhơ\t chi che kis tàm dà…

Ồng Trần Hồng Hà, Bộ trưởng Bộ Tài nguyên mờ Môi trường, pà gi\t:

Broă lơh sền gàr li la phan kis gam pơn jat tai pal ko\ng mờ uă bơta lòng. Nàng gơtùi lơh geh cồng nha tàm broă lơh sền gàr, bal mờ bơta lơh ngan bơh anih lơh broă Chính phủ dê, den pal geh bơta lơh bal jơh nùs bơh jơh tơl nă làng bol tàm dà lơgar mờ bơta dong kờl bơh mpồl bơtiàn dunia dê.

Yal bè bơta mờng chài bơh ală rơndăp broă lơh bơh Ngân hàng Dunia dê gam lơh bè broă atbồ kơ\ kơl jăp ală tiah sền gàr mờ bơtàu tơnguh nhơl chờ, ồng  Axel van Trotsenburg, Phó Chủ tịch Ngân hàng dunia pà gi\t, li la phan kis là dùl tàm ală jơnau kuơmàng tàm ală tu\ bơtàu tơnguh nhơl chờ, den tàng bè hơ\ bol he pal geh ală gùng dà broă lơh nàng atbồ kơ\ kơl jăp ală tiah geh sền gàr mờ bơtàu tơnguh lơh broă nhơl chờ kờ` broă ngui ù tiah, phan geh is brê bơnơm gơcèng wơl cồng nha lơh sa mờ tă pơgồp ai sền gàr li la phan kis in. Ồng Axel van Trotsenburg pà git:

Bol a` kơ\p kờ` geh ală gùng dà broă lơh jo\ jòng bè ală broă nàng bơtàu tơnguh kơ\ kơl jăp nhơl chờ mờ li la phan kis. Tàm bơta geh ngan, Việt Nam là 1 tàm ală lơgar geh li la phan kis uă tàm dunia, den tàng bè hơ\ pal geh dà kơlhề sền gàr gơ.

Bal mờ hơ\, bol he pal gi\t ngui ală bơta pràn nhơl chờ bơh dà lơgar dê nàng wèt tus ală jơnau kờ` niam bơne\ rlau tai mơya pal ring bal tus ală jơnau kờ` nàng sền gàr li la phan kis. Tàm do, pal geh bơta pơgồp bal nàng sền gàr li la phan kis drơng bơtàu tơnguh lơh sa dà lơgar in.

Bal mờ Pơrjum: "Sền gàr li la phan kis mờ Nhơl chờ kơ\ kơl jăp”, bơdìh dơ\ pơrjum Pơrjum dờng Kes priă tiah ơm kis gùt plai ù dơ\ 6 bơh Bộ Tài nguyên mờ Môi trưởng Việt Nam dê drơng lơh, gam geh lơh uă broă lơh bơyai bè atbồ sồ siă đùh sơrbì tàm dà lềng dờng; Cồng nha mờ pơlam gùng dà lơh broă bal Việt Nam mờ GEF: Lơh broă bal ai jơnau kờ` gơguh tai kơ\ kơl jăp, ndrờm wèt tus sền gàr mờ gàr tiah ơm kis kơ\ kơl jăp ai gùt plai ù ngai do mờ tơnơ\ do in.

Cau mblàng Lơ Mu K’Yến