VOV4.K’ho- Bộ giao vận tải pa geh dơ\ pơrjum mờ Tổng cục gùng lòt ù gờl Việt Nam, Ủy ban ờ do ờ dă gùng lòt dà lơgar mờ ală tiah geh gơ rềng, jòi gùng dà broă lơh gàr niam ờ do ờ dă tàm kèol kơh Lò Xo gơl lòt gan 2 càr Quãng Nam mờ Kon Tum.

Jat jơnau yal, kèol kơh Lò Xo, tàm gùng Hồ Chí Minh dê, là gơl gùng kèol kơh, ù tiah ngòt rơngơ\t, kơh uă, kềng gah bơnơm jòng mờ thòng jrô. Bơh nam 2004 tus tu\ do, tàm kèol kơh Lò Xo neh gơlik geh 192 dơ\ rềs àr gùng lòt , lơh chơ\t 65 nă cau, sồt să 333 nă cau. Jơh ală dơ\ rềs àr do gơlik geh tàm gah gùng kơh, sùm là rơndeh gơdùh tàm thòng.

Tàm dơ\ pơrjum, Bộ trưởng Bộ giao thông vận tải sồr, kờp sền wơl sră nggal bơceh lơh gùng, lơh pa, pờ ơnàng ală tiah gùng kèol tàm ală tiah geh ai gơnoar, gàr niam tiah ơnàng ai cau ma\y rơndeh in bơsong ală broă gơlik geh, kơlôi sơnơng dong kờl ai mờ lơh tai ală gùng pleh rềs àr. Bơdìh hơ\ tai, rơndap pơng gàr jat gah gùng lòt 2,3 cờn tàm ală tiah ngòt rơngơ\t. Bộ trưởng kung sồr bơt bơtàu mờ lơh ală anih ơm rơlô, tơngkah cau ma\y rơndeh in pal ơm rơlô, sền wơl rơndeh rơndồ kung bè jòi g^t gơl gùng lài mờ tu\ lòt gan kèol kơh.

Cau mblàng K’ Hạnh