VOV4.K’ho- Tàm broă lơh ngan ngồn bơh ală công ti lâm nghiệp dê tàm càr Kontum pà go\, bulah là mpồl lơh sa kă bro lơh gơlik mờ kă bro, mơya ală công ti do kung gam lơh broă uă ngan bè là dùl mpồl lơh broă atbồ mờ sền gàr brê. Ờ geh priă cồng bơh lơh gơlik phan kă bro, priă jền lơh broă pah nam geh ai dùl ết ngan den tàng broă lơh ờs mờng tìp uă ngan kal ke.

Kờp bơh tu\ broă tơm priă drơng broă sền gàr brê geh lơh, ală công ti lâm nghiệp geh tai priă jền lơh geh bơtàu tơnguh uă ngan rài kis cau lơh broă in mờ lơh niam broă lơh gàr brê. Bơta geh ngan tàm Công ti Trách nhiệm hữu hạn Một thành viên lâm nghiệp Ia H’Drai.

Công ti Trách nhiệm hữu hạn Một thành viên lâm nghiệp Ia H’Drai, tàm kơnhoàl Ia H’Drai, càr Kontum geh kơnòl atbồ, sền gàr rlau 34 rbô lồ brê geh is. Ồng Tống Tấn Lực, Phó Kuang atbồ Công ti do pà gi\t, tài bơh bă brê bơh Công ti dê atbồ rềp bal mờ càr Gialai mờ rềp bal mờ kềng 2 gah tơnau dà hìu măy pờ tơlik ồs đèng Sê San 3A mờ Sê San 4 jòng mờr tus 50 kơi sồ den tàng broă atbồ mờ sền gàr brê tìp uă ngan kal ke.

Nàng lơh niam kơnòl broă geh jàu, Công ti lơh 5 trạm, 4 anih drơng sền tàm ală tiah lơh tìs uă adat brê bơnơm, mơkung lơh uă broă lơh dùl ròt bal nàng atbồ mờ sền gàr brê. Ồng Tống Tấn Lực, đơs:

“Bơh ală broă kal ke hơ\, công ti kung neh sồr ală mpồl lơh broă bơh ală lâm trường dê sùm pơgồp bal mờ ală mpồl lơh broă ală gah bơh ală xã, bè xã Ia Tơi, xã Ia Dom dê nàng bal mờ gơ\p mblàng yal làng bol pa tus ơm kis tàm ală [òn in, bè [òn 1, [òn 9 bơh xã Ia Tơi dê; [òn 1 bơh xã Ia Dom dê nàng làng bol in gi\t geh broă mus brê lơh mìr là lơh tìs bơta boh lam”.

Broă uă, kal ke bòl glar là bè hơ\, mơya priă lơh geh bơh ală cau gàr brê dê tàm Công ti Trách nhiệm hữu hạn Một thành viên lâm nghiệp Ia H’Drai dê ờ go\ geh sùm. Tài bơh công ti ờ hềt lam lơh geh khat dùl broă lơh lơh sa kă bro lơi den tàng priă lơh geh uă ngan là kung gam kơnờm bơh tàm rlau 34 rbô lồ brê geh jàu atbồ mờ sền gàr.

Neh bè hơ\, priă lơh geh do ờ go\ geh sùm sơl, tài bơh kơnờm tàm tu\ tơngai ai priă jền den tàng jơnau lơyaì tơm priă nhai, dồs priă nhai geh sùm. Tàm tu\ hơ\, broă atbồ mờ sền gàr brê ờ gơtùi ờ sền ngac bulah mìng là dùl ngai.

Ồng Nguyễn Văn Thu, Kuang atbồ Trạm atbồ sền gàr brê kròng 270, pà gi\t, 8 nă kuang bàng mờ cau lơh broă bơh Trạm dê pal lơh ngan jơh nùs jơh pràn jơh bal bè bơta pràn mờ nùs nhơm bồ tơngoh nàng lơh niam kơnòl broă atbồ sền gàr rlau 8 rbô lồ brê geh jàu tàm 9 bă brê dềt. Ồng Nguyễn Văn Thu, đơs:

“Trạm atbồ mờ sền gàr brê dờng ngan den tàng bal mờ 8 nă oh mi, đơs bal là pah ngai den bol a` pal ai tơngai, gi\t broă lơh tờm là tàm tiah lơi kờ` pal lòt là jàu oh mi lòt nàng kờ` gi\t jơnau gơlik geh mờ geh broă lơh nàng ting bơtrơh”.

Bơh tu\ geh priă bơh broă lơh tơm priă drơng broă sền gàr brê, broă sền gàr brê kung bè rài kis cau lơh broă dê tàm công ti Trách nhiệm hữu hạn Một thành viên lâm nghiệp Ia H’Drai, càr Kontum neh geh uă bơta bơtàu tơnguh niam. Ồng Tống Tấn Lực, Phó Kuang atbồ công ti pà gi\t:

“Broă lơh atbồ sền gàr brê bơh Công ti Lâm nghiệp Ia H’Drai dê sền bal là kal ke ngan tài bơh bă brê mờ Công ti atbồ rềp nhàr bal mờ càr Gialai mờ rềp nhàr bal đah 2 gah tơnau dơng dà hìu măy pờ tơlik ồs đèng là Sê San 4 mờ Sê San 3A. Broă gơlik geh jơnau mus brê lơh mìr tìs mờ bơta boh lam, ting ku\p phan brê geh tu\ là geh bal koh kơl dơm chi brê tìs mờ bơta boh lam sùm gơlik geh sùm.

Bơh ală broă hơ\, công ti neh lam lơh ală anih drơng sền, ală trạm geh lơh jat ală tiah. Tu\ do, công ti geh 5 trạm geh lơh jat ală tiah rềp nhàr bal mờ geh dùl anih drơng sền gùng dà dờng geh ai ơhò măy nàng lòt tàm ală tơnau dơng dà, tàm ală rơbơ\t dà croh nàng sền gàr brê. Sùm lòt sền, mblàng yal làng bol in ờ go\ di mus brê lơh mìr mờ ting ku\p phan brê tìs mờ bơta boh lam.

Công ti kung neh sồr mpồl lơh broă bơh ală lâm trường dê pơgồp bal mờ ală mpồl lơh broă ală gah bơh ală xã bè xã Ia Tơi, Ia Dom nàng bal mờ gơ\p mblàng yal làng bol pa tus ơm kis in nàng làng bol gi\t geh broă mus brê lơh mìr là lơh tìs bơta boh lam tài bơh uă ngan làng bol là bơh tiah đah tô dà lơgar mu\t tàm do lơh công nhân kau su, den tàng làng bol ờ gi\t brê lơi là brê tam gơl, brê lơi bơh công ti dê atbồ den tàng pal sùm mblàng yal bơta boh lam tus tơn tàm hìu làng bol in.

Dùl broă tai là nàng kơryan rơndeh rơndồ mờ cau mu\t tàm brê, công ti neh pơgồp bal mờ Kuang àng kơnhoàl, Hạt Kiểm lâm nàng geh broă lơh ku\p kơryan. Bơh bồ nam tus tu\ do, kuang àng kung neh pơgồp bal mờ công ti ku\p geh uă ngan rơndeh rơndồ bè rơndeh lơ òr, rơndeh măy ală bơta, rơndeh đồ nàng lơh glài jat di jơnau cih bơh kơrnoat boh lam dê”.

Tàm rài kis kal ke bè priă jền nàng lơh broă ờs mờng mờ tơm priă nhai ai mpồl cau lơh broă rlau 30 nă cau in, broă Công ti Trách nhiệm hữu hạn Một thành viên lâm nghiệp Ia H’Drai lơh geh đau priă jền pah nam rlau 3 tơmàn bơh bă brê 18.700 lồ geh sa bơh broă lơh tơm priă drơng broă sền gàr brê neh dong công ti bơtàu tơnguh rài kis uă ngan ai cau lơh broă in mờ lơh niam broă gàr brê.

Bơh bồ nam tus tu\ do, jơnau lơh tìs bơta boh lam brê bơnơm gơ wèt mờ bă brê bơh công ti dê atbồ sền gàr neh gơmù uă ngan. Ală broă lơh tìs dùl êt rah rài ndrờm geh ku\p kơryan di tu\!

Cau cih mờ yal tơngi\t- Lơ Mu K’ Yến