VOV4.K’ho-Lơh glài dà cau Jrai đơs là Kđi, là bơhiàn bơh jo\ rài ngan bơh cau Jrai dê tàm Tây Nguyên. Pơn jat hơ\, cau Jrai lơh glài ală cau lơh aniai tus rài kis mờ bơngă bơh cau ndai dê tàm [òn lơgar. Tu\ do, tàm dùl xã tiah sar lơgar ngài tàm càr Gia Lai, bơhiàn lơh glài kung gam geh lơh sơl mờ lơh gơlik ală jơnau gơlời wơl kal ke ngan gơtùi gi\t lài.

Tài bơh geh jơnau tam đơs tam lah gơ\p tàm dùl dơ\ `ô bau lài hơ\, mang ngai 28/4/2018, 32 nă klau pơnu bơh 6 [òn tàm ală xã: Ia Krái, kơnhoàl Ia Grai mờ xã Ia Nan, kơnhoàl Đức Cơ, càr Gia Lai dê đì rơndeh măy ntoăt jờl mờ cèng bal phan tam lơh tus jòi mpồl ơruh pơnu [òn Yom, xã Ia Khai, kơnhoàl Ia Grai nàng bơsong jơnau tàm gơjra` tàm kơuềng. Dơ\ tam lơh neh lơh Ksor Su deh nam 2001, ơm tàm [òn Yom, xã Ia Khai chơ\t, dùl nă klau pơnu ndai gơtìp sồt să kơn jơ\ ngan.

Tơnơ\ dơ\ gơlik broă do, hìu bơnhă Ksor Su neh sồr 32 hìu bơnhă geh oh kòn tus bal dơ\ tam lơh pal tơm ai hìu bơnhă he dê in 2 tơmàn priă bal mờ bàr pe nơm rơpu, kơnrồ, sur nàng lơh Yàng. Dilah ală hìu bơnhă ờ tơm, den hìu bơnhă cau gơtìp chơ\t do geh ngui rơndeh lơ òr geh rơmòk pơndiang kơbang Ksor Su dê dơ\ dùl dơ\ lòt pơdar jat tơl hìu, tơl [òn.

Do là jơnau wèr bơkal ngan gơ wèt mờ cau Jrai, tài bơh jat khi đơs, broă lơh do geh lơh [òn gơtìp kòp pluh, uă cau pal chơ\t mờ pal ntrờn hìu lòt ơm tus tiah ndai. 32 hìu bơnhă neh tơm rlau 1 tơmàn priă ai hìu bơnhă cau gơtìp chơ\t do in. Đơs bè bơta lơh glài do, ồng Rơ Châm Tíu, bèp cau gơtìp chơ\t do dê, đơs bè do.

Hìu bơnhă ờ suk ir, tài bơh kòn klau lơbơn niam ngan, ờ geh tam đơs tam lơh mờ cau lơi mờ gơtìp mpồl klau pơnru lơh chơ\t tàm [òn. Bơh tài khà priă dờng bè hơ\ là tài bơh kòn a` pa lòt reh kòp gơbàn tềng tơngoh tàm Sài Gòn pa rê, ờ hềt di dùl nhai den gơtìp chơ\t te\. Priă jền hơ\, hìu bơnhă a` ngui nàng lơh hìu [ồc, ies tơ\p [ồc kòn in, gam wơl den pơyua tàm ngân hàng nàng ngui lơh yàng bơthi [ồc jat bơhiàn cau Jrai dê.

Pơgăp mờ do 1 nam, dơ\ tam lơh ndrờm bè do sơl đah 2 mpồl ơruh pơnu [òn Mít Jep, xã Ia O mờ [òn Lân, xã Ia Krái, kơnhoàl Ia Grai lơh Ksor Blim deh nam 1995, cau [òn Mít Jep chơ\t. Kung mờ broă lơh pơhìn cèng kơbang kòn tus tàm [òn Lân, hìu bơnhă cau gơtìp chơ\t do kung rồn bơklơn, sồr ală hìu bơnhă geh gơrềng pal tơm mờ khà priă rlau 870 tơlak.

Tàm jơh bal 2 broă do, hìu bơnhă ală cau gơtìp chơ\t do dê neh sồr tơm jat nùs nhơm kơlôi sơnơng is, mờ geh bơta rồn bơklơn. Mblàng bè jơnau do, ồng Rơ Châm Nuynh, cau tàm mpồl bơyai tơr`a [òn Yom tàm dơ\ lơh glài bơh hìu bơnhă Ksor Su dê pà gi\t, jat bơhiàn lơh glài, tìs sơlơ kơn jơ\ den sơlơ lơh glài dờng.

Jat adat bơhiàn [òn rài yô rài yau, dilah cau ờ lơh bơta lơi mờ geh cau tus đơs lah, lơh pờng den cau jat adat bơhiàn [òn dê pal lơh glài kơn jơ\ nàng kơryan jơnau hơ\.

Bơhiàn lơh glài bơh cau Jrai dê ndrờm jat lơm tàm bơta lơh is bơh cau geh tìs dê tơnơ\ tu\ gi\t geh bè broă lơh tìs bơh he dê mờ ờ go\ lơh glài mờ priă. Bơta ndai, broă rồn bơklơn pơhìn bè nùs nhơm, sồr tơm bơh gi\t nđờ rhiang tơlak tus gi\t nđờ tơmàn priă tàm ală dơ\ broă gơlik geh neh lơh gơlik bơta à` ơnòng kơn jơ\ ngan bè phan bơna ai uă hìu bơnhă geh gơrềng tàm ală dơ\ lơh tìs in.

Jat Đại tá Tăng Năng Ái, Kuang atbồ Kuang àng kơnhoàl Ia Grai, yal: jơnau do geh tềl tơngo\ broă lơh rồn bơklơn, sơgràm sa phan bơna jơtài. Tài bơh ờ geh bơta gi\t wa\, ală hìu bơnhă cau gơtìp aniai lồi du\t digơlan gơlik wơl là cau lơh tìs kơrnoat boh lam, dilah đah gơtìp rồn bơklơn tơm yă tàm anih cah r`a. Đại tá Tăng Năng Ái, pà gi\t.

Jơh ală cau geh oh kòn tus bal ndrờm pal geh kơnòl. Tàm hơ\, geh ală hìu bơnhă r[ah lơ ời ngan, khi pal lòt jồm lòt càn mờ cau, mờ geh tu\ là pal tăc ù. Ai dilah bè anih cah r`a halà dong kờl priă ies tơ\p [ồc lài, halà 2 đah cribơyai ring bal mờ gơ\p. Ai dilah bè rồn bơklơn ờ tơm 1 tơmàn priă den cèng kơbang lòt tus hờ [òn den jơnau là krơi.

Bol a` gam kơlôi sơnơng bè đah kơrnoat boh lam, dilah sră pơrgon broă làng bol rồn bơklơn là ờ geh cồng nha. Kơlôi sơnơng 1 broă, dilah lơh tìs, sồr hìu ne pal tơm wơl priă den dơ\ tơnơ\ ờ go\ lơh tìs bè do tai.

Lơh glài bơh cau Jrai dê wèt tus bơ\t bơtàu rài kis niam bơne\ tàm [òn lơgar. Mơya, bơta sơmờm ir bơh broă lơh glài dê tài bơh ờ geh jơnau gi\t wa\ kơrnoat boh lam tàm 2 broă pa yal digơlan gơlam tus ală jơnau gơlời wơl ờ niam tàm rài kis mpồl bơtiàn.

Cau mblàng Lơ Mu K’Yến