VOV4.K’ho-  Tơnơ\ dùl tu\ tơngai gơbàn kòp kơn jơ\, bulah neh geh Đảng, Dà lơgar, mpồl ală cau giáo sư, bác sĩ tàm lơgar mờ dunia jơh nùs dong kờl sơm kòp, hìu bơnhă jơh nùs drơng gàr, mơya tài sơnam neh dờng să jan ờ gam pràn tai, ồng Đỗ Mười, Tổng Bí thư Đảng dà lơgar lài do neh sang rài tàm tu\ 11 jiơ 12 phuk mang ngai 1/10/2018 tàm Hìu sơnơm Ling klàng Dà lơgar 108.

Ồng Đỗ Mười deh ngai 2/2/1917 tàm xã Đông Mỹ, kơnhoàl Thanh Trì, [òn dờng Hà Nội. Gờ` lơh broă kăc màng mờ gơ gơs là cau tàm Đảng Cộng sản, geh pơlam tàp, tih dờng bơh ală rài tam lơh jo\ jòng, bơ\t bơtàu mờ sền gàr Dà lơgar, ồng Đỗ Mười neh lơh uă gơnoar broă, geh uă tă pơgồp dờng ngan ai broă lơh kăc màng bơh Đảng mờ jơi bơtiàn dê.

Tàm ală nam nhai at gơnoar broă Tổng Bí thư bơh Đảng dê bơh nam 1991-1997, mờ bơta mờng chài tàm broă lơh ngan ngồn uă ngan, ồng Đỗ Mười neh bal mờ ală kuang bàng tàm Ban Chấp hành Dà lơgar, Bộ Chính trị, Ban Bí thư tam klac bal, ring bal, đơng lam, atbồ jơh gùt Đảng, gùt làng bol mờ gùt ling klàng he pơn jat tai lơh jat gùng dà tam gơl pa, bơ\t bơtàu mờ sền gàr Dà lơgar, lơh gơs jak ngan kơnòl broă mờ Đảng, Dà lơgar bal mờ làng bol dê jàu.

Tàm 2 ngai Dà lơgar ies tơ\p [ồc, gi\t nđờ rbô mpồl kuang bàng, cau ling mờ làng bol gùt lơgar bal mờ gơ\p bơyô dunia neh lòt còp ies [ồc ồng Đỗ Mười, Tổng Bí thư Đảng dà lơgar lài do tàm Hìu Dà lơgar ies tơ\p [ồc, hìu sồ 5, gùng Trần Thánh Tông, [òn dờng Hà Nội mờ tàm Hìu pơrjum Thống Nhất, [òn dờng Hồ Chí Minh.

Dơ\ bơyai lơh tơ\p [ồc ồng Đỗ Mười, Tổng Bí thư Đảng dà lơgar geh bơyai lơh tàm tu\ 1 jiơ mho ngai 7/10 tàm [òn tờm ồng dê, tiah Ma Vang, thôn 1, xã Đông Mỹ, kơnhoàl Thanh Trì, [òn dờng Hà Nội.

Tơngac ồng rê mờ tiah ơm bi\c sùm, gơ wèt mờ uă cau, tàm bơrlu\ bal tàm nùs kah sơnđàc pơlai soh ngan là rùp să bè dùl nă Tổng Bí thư rềp mềl, pơndềt să ngan rê tơngo\.

Ồng Phạm Văn Đồng mờ ồng Đỗ Mười đơng lam sơrlèt gan mờ dà ko\ dà cò tàm Hải Dương nhai 8/1971

Tàm hìu sồ 468, gùng Nguyễn Huệ, [òn dờng Kon Tum, càr Kon Tum dê, tàm anih dờng màng ngan rlau jơh là cơldu\ năc, mò Y Xuôi, 69 sơnam, kòn cau Sơdàng yồng pang rùp cùp mò mờ ồng Đỗ Mười, Tổng Bí thư Đảng dà lơgar lài do bal mờ bàr pe nă kuang bàng đơng lam bồ Đảng, Dà lơgar tu\ lòt Pơrjum dơ\ dùl Quốc hội khoá 9.

Mò Y Xuôi pà gi\t, là kuang bàng Quốc hội bơh khoá 7 tus khoá 9, hơ\ sồng tàm ală gơnoar broă krơi is bơh càr Kon Tum dê, mò neh geh uă dơ\ boh bơr, lơh broă bal mờ ồng Đỗ Mười, Tổng Bí thư Đảng dà lơgar lài do.

17 nam là kuang bàng Quốc hội bơh khoá 7 tus khoá 9, a` gơlơh sền go\ rềp mềl ngan mờ Wa mờ sền go\ Wa là dùl nă cau pơndềt să ngan, rềp mềl ngan mờ làng bol, wa\ wờng ngan làng bol mờ gơlơh bè dùl nă làng bol bè ờs sơl. Mờ gơnoar broă là Tổng Bí thư Đảng dà lơgar, Wa lòt tus [òn lơgar mờ kuơmàng là sền gròi tus tiah sar lơgar ngài, tiah làng bol kòn cau. Hơ\ là dùl nă kuang bàng wa\ wờng ngan mờ rềp mềl ngan mờ [òn lơgar. Hơ\ là dùl bơta mờ a` sền go\ gơlơh ngoh rơngac ngan.

Tàm jơh dùl rài kis lơh broă kăc màng, bulah lơh khat gơnoar lơi, bơh là kuang đơng lam bồ càr, dùl kơnhoàl ù tiah halà dùl bộ, gah sơnah lơh broă dà lơgar, dùl gah broă lơh lơi mờ tu\ geh pồ gơ gơs là kuang đơng lam bồ dờng ngan rlau jơh bơh Đảng dê mờ geh bal tu\ neh jơh sơnam lơh broă rê rlô tơn, ồng Đỗ Mười ndrờm lời wơl jơnau kah wơl kuơmàng ngan, ală nùs nhơm sàng goh ngan mờ làng bol mờ oh mi lơh broă bal.

Là cau neh geh 2 dơ\ geh tìp mờ ồng Đỗ Mười, Tổng Bí thư Đảng dà lơgar lài do tàm ală dơ\ lơh broă tơn bè ală mpồl lơh sa kă bro, tàm bồ tơngoh kah wơl bơh ồng Hồ Thăng Trừng, ơm tàm quận Hải Châu, [òn dờng Đà Nẵng, ồng Đỗ Mười, Tổng Bí thư Đảng dà lơgar lài do là cau bơr đơs tê lơh, kis pơndềt să ngan mờ rềp mềl ngan mờ jơh tơl nă cau.

A` neh tìp 2 dơ\ ồng Đỗ Mười lơh broă tơn bè ală mpồl lơh sa kă bro. Ồng là dùl nă kuang bàng kăc màng sơrlèt gan uă bơta bòl glar kal ke tàm rài tam lơh. Nùs nhơm ồng dê là cau kràn cê jơh nùs, kơ\ nùs, dòn song. Ồng Đỗ Mười tă pơgồp dùl tu\ tơngai jo\ jòng ai dà lơgar, ai Đảng in. Ồng chơ\t den bol a` sền go\ gơlơh kah sơnđàc ngan pơlai soh ngan.

Kah wơl kir sơnrai dùl dơ\ geh tìp mờ ồng Đỗ Mười, Tổng Bí thư Đảng dà lơgar lài do tàm hìu ràng tăc phan, ồng Nguyễn Hữu Thường, cau ling yau ơm tàm sơnah [òn Tân Phong, [òn dờng Biên Hòa, càr Đồng Nai kung gam kah sùm sơl bè rài kis broă lơh bơh dùl nă kuang đơng lam bồ rềp mềl mờ làng bol.

A` gơlơh ngoh rơngac ngan tu\ kơno yal ồng Đỗ Mười, Tổng Bí thư Đảng dà lơgar lài do chơ\t, dùl nă kuang bàng jak chài ngan bơh Đảng mờ Dà lơgar dê. Ồng wa\ wờng, gi\t wa\ mờ rềp mềl mờ sền gròi ngan rài kis làng bol dê. Geh dùl jơnau yal gơlơh kah ngan hồr ngan, hơ\ là tàm tơngai ồng tus sền hìu kă bro phan lài do, ồng lơh bè dùl nă làng bol mu\t tàm hơ\ nàng sa phở, blơi phan kă bro nàng bơto tơngkah wơl ală cau lơh broă bơh tu\ tơngai hơ\ dê.

Kơno yal ồng Đỗ Mười, Tổng Bí thư Đảng dà lơgar lài do chơ\t, ồng Nguyễn An Vinh, lài do là Bí thư Tỉnh ủy càr Dak Lak neh tơngo\ nùs nhơm kah sơnđàc ngan mờ gơlơh pơlai soh ngan gơ wèt mờ bơta chơ\t bơh ồng Đỗ Mười dê. Jat ồng Vinh yal, Tổng Bí thư lài do là dùl nă cau geh nùs nhơm bơ\t bơtàu kòn bơnus niam ngan, dùl nă cau kis pơndềt să ngan, kis tam klac bal mơya kung bềng bơta kràn cê jơh nùs sơl. Ồng Nguyễn An Vinh yal bè dùl kir sơnrai bơh ồng Đỗ Mười, Tổng Bí thư Đảng dà lơgar lài do dê tàm dùl dơ\ lơh broă mờ Đảng bộ mờ làng bol ală jơi bơtiàn kòn cau tàm Dak Lak.

A` kung gam kah sơl, ồng Đỗ Mười tu\ hơ\ geh tơngkah 3 broă nàng bơtàu tơnguh càr Dak Lak. Dơ\ dùl là pal lơh niam broă tam klac bal jơi bơtiàn, sền gròi mờ bơtàu tơnguh rài kis làng bol kòn cau dê sơlơ uă rlau, lơh geh bơta tam klac dờng đah ală jơi bơtiàn tàm càr. Dơ\ 2 là ồng sồr bè broă bơtàu tơnguh lơh sa pal gơ jat bal mờ tu\ tơngai tam gơl pa Đảng dê, sền dờng màng bơtàu tơnguh pràn ală tờm chi công nghiệp là bơta pràn bơh càr dê nàng tăc mờ lơgar ndai. Dơ\ pe là bè broă bơ\t bơtàu Đảng pal sền gròi bơtàu tơnguh mpồl kuang bàng là làng bol kòn cau, nàng khi in lơh bal tàm ală mpồl Đảng, lơh bal tàm gơnoar atbồ nàng đơng lam làng bol tàm càr bơtàu tơnguh lơh sa- mpồl bơtiàn.

ỒngĐỗ Mười còp HTX Cơ khí Đồng Tâm, quận Gò Vấp, [òn dờng Hồ Chí Minh nam 1989

Ồng Đỗ Mười, Tổng Bí thư Đảng dà lơgar lài do chơ\t neh lời wơl bơta kah sơnđàc pơlai soh ngan gi\t lơh gơ wèt mờ jơh gùt Đảng, gùt ling klàng mờ gùt làng bol he. Tơngo\ nùs nhơm bơh he dê, ồng Nguyễn Văn Thạch, ơm tàm sơnah [òn Nghĩa Đức, thị xã Gia Nghĩa, càr Dak Nông ngoh rơngac ngan.

A` go\ tàm tơngai wa Đỗ Mười đơng lam, bơh rài bao cấp tam gơl tus tơn jơh te\ bao cấp; hơ\ là lơh ai làng bol in kis niam rlau, tus tu\ do den dà lơgar pas sơm pràn kơldang rlau. Tơngai mờ wa là Tổng Bí thư, lơh ai dùl dà lơgar in bơh jơgloh r[ah mờ tam gơl geh gơ gơs pas sơm pràn kơldang.

Ồng Phạm Xuân Phấn, ơm tàm thôn 6, xã Bình Hòa, kơnhoàl Krông Ana, càr Dak Lak dê tơlik nùs nhơm ai lơh kah sơnđàc ngan gi\t lơh gơ wèt tus mờ bơta chơ\t bơh ồng Đỗ Mười, Tổng Bí thư Đảng dà lơgar lài do dê, là kuang đơng lam bồ sùm rềp mềl ngan mờ làng bol.

Bơta chơ\t bơh ồng Đỗ Mười, Tổng Bí thư Đảng dà lơgar lài do dê, den să tờm a` gơlơh muăt jrùm ngan mờ kah sơnđàc ngan gơ wèt mờ cau pròc mhàm mờ hìu bơnhă kuang đơng lam bồ dờng màng neh tă pơgồp ai dà lơgar in. Tổng Bí thư Đỗ Mười geh bơta ơm kis rềp mềl ngan mờ làng bol, iat kơno ală jơnau đơs tă pơgồp bơh làng bol dê. Tàm rài tam lơh dờng, kung bè tơnơ\ do tus rài ring lơngai, bơ\t bơtàu dà lơgar, Tổng Bí thư Đỗ Mười geh uă tă pơgồp, să tờm a` mờ làng bol sền ngềr ngan Tổng Bí thư.

Dan kun bồ ki ngàm tơngac ồng- Tổng Bí thư rềp mềl, pơndềt să ngan bơh làng bol Việt Nam dê.

Cau mblàng Lơ Mu K’Yến mờ Ndong Brawl