VOV.K’ho-Nam 2017 pa do, sơrlèt gan uă bơta lòng gơlik tus gơ wèt mờ dùl càr geh broă lơh sa- mpồl bơtiàn kal ke ngan rlau jơh pơndrờm mờ ală càr tàm tiah Tây Nguyên, Kontum neh lơh geh ală cồng nha niam ngan.

Dơ\ sơnrờp càr do jơh lơh geh 14 tàm 14 broă kuơmàng bè lơh sa- mpồl bơtiàn. Khà gơguh tai lơh sa geh rlau 9% pơndrờm mờ nam lài; tă dia dà lơgar geh rlau 2.200 tơmàn priă sơrlèt rlau 122% pơndrờm mờ kờp du\ lài; priă lơh geh kờp bal dùl nă cau gơguh bơh 31 tơlak tus mờr 35 tơlak.

 Jơnau pal cih dờp ngan rlau tai là rài kis, lơh broă lơh sa bơh làng bol kòn cau dê, bơh jo\ geh rlau 53% khà kờl làng bol càr dê neh geh ală tam gơl uă ngan. Jơnau cih tàm kơnhoàl kal ke uă ngan Tu Mơ Rông, càr Kontum dê.

Nam 2017, bă ù tam 3 bơta chi tam, tàm hơ\ geh: kòi mìr, tơngời mờ lơm bo bơh 89 hìu bơnhă kòn cau Sơdàng tàm [òn Đăk Dơn, xã kal ke uă ngan Măng Ri, gơ wèt kơnhoàl kal ke uă ngan Tu Mơ Rông, càr Kontum ndrờm gơmù lơm.

Bi A Róc, dùl nă làng bol kis tàm [òn pà gi\t, do là jơnau pal chờ hờp ngan tài bơh jơh ală bă ù neh geh làng bol tam gơl tam ală tờm chi tam lơh geh priă jền uă, bè: kơphê tiah mrềt, Hồng đẳng sâm, Đương quy…

Tu\ do, tơl hìu bơnhă làng bol tàm [òn Đăk Dơn ndrờm geh bơh 1 sào tus rlau 1 lồ kơphê, jơnau mờ lài do ờ go\ cau lơi mờ kơlôi tus là gơtùi lơh geh ờ. Cồng nha lơh sa lơh geh bơh bă kơphê tam pơgăp mờ do 4 nam tàm kàl tơnhàu pa do sơlơ lơh làng bol sơlơ jơh nùs ngan tơryăng tơryồng lơh broă lơh sa mờ kơ\ nùs pin dờn bè bơta tam gơl di gùng di dà. Bi A Róc, pà gi\t:

            Kơphê tiah mrềt gơkờ` ngan mờ ù tiah trồ tiah mrềt bơh xã Măng Ri dê. Kơphê bơh nam 2014 tu\ do neh pa geh plai kàl sơnrờp. Làng bol chờ hờp ngan tơn jơh jơgloh tơrmù r[ah kơnờm bơh kơphê tiah mrềt. Jat a` den mìng is kơphê tiah mrềt tàm ù tiah xã tàm tơngai tus digơlan geh lơh geh làng bol in uă tai priă jền

Bal mờ lơh pràn tam gơl tờm chi tam, phan ròng, tàm xã kal ke uă ngan Măng Ri, nam lài geh 467 hìu bơnhă, làng bol kòn cau Sơdàng kung jơh nùs ngan tus bal lơh bal, dờp tam, sơngka sền gàr chi lơh sơnơm mờ bàr pe mpồl lơh sa kă bro bơcri priă tàm do.

 Ồng Nguyễn Bá Thành, Chủ tịch Ủy ban Nhân dân xã pà gi\t, làng bol lơh geh priă tus bàr dơ\ tài bơh tam gơl geh nùs nhơm lơh broă, lùp bơsram geh bơta chài mờ lơh geh tai priă jền sùm. Ồng Nguyễn Bá Thành, đơs:

Hìu bơnhă làng bol kòn cau tàm xã rlau 1/3 khà kờp làng bol lơh bal ală broă lơh tam chi lơh sơnơm. Bơh hơ\ khi geh sa priă nhai, geh dong kờl bè phan bơna kung bè là sền gàr lơh broă hơ\ sồng geh blơi sră bảo hiểm xã hội. Khi geh priă jền sền bal là geh sùm. Mpờl go\ loh làng ngan rlau jơh tàm nam pa do là tơrmù geh 8% khà hìu bơnhă r[ah tàm ù tiah xã dê.

Là dùl tàm 62 kơnhoàl r[ah ngan rlau jơh bơh gùt lơgar dê, bal mờ khà kờp làng bol rlau 90% là làng bol kòn cau Sơdàng, nam 2017 pa do, dơ\ sơnrờp kơnhoàl Tu Mơ Rông, càr Kontum tă dia geh 48 tơmàn priă sơrlèt mờ broă rơndăp lơh geh jàu. Pal chờ hờp rlau tai là khà hìu r[ah tàm nam gơmù geh 8%, jơnhoa rlau tus bàr dơ\ pơndrờm mờ broă rơndăp lơh bơh càr dê.

Jat ồng Vương Văn Mười, Phó Chủ tịch Ủy ban Nhân dân kơnhoàl Tu Mơ Rông yal, ală broă lơh sa- mpồl bơtiàn mờ kơnhoàl lơh geh tàm nam pa do pà go\, rài kis mờ lơh broă lơh sa bơh làng bol dê neh geh ală bơta tam gơl uă ngan. Ồng Vương Văn Mười, đơs:

Tàm nam 2017, ală broă lơh sa- mpồl bơtiàn bơh kơnhoàl dê neh geh gơguh tai loh làng ngan. Pơnyơu bè nam 2016, priă lơh geh kờp bal dùl nă cau là 13 tơlak 500 rbô đong mơya tus nhai 11 nam 2017, priă lơh geh kờp bal dùl nă cau neh gơguh geh 18 tơlak dùl nam.

Dơ\ bàr là kờp jơh kơphê lơh geh tàm nam 2017 là rlau 3 rbô tấn, làng bol neh lơh geh 20 tơmàn, hơ\ là dùl tềl tơngo\ chờ hờp ngan. Bơdìh mờ bơta bơtàu tơnguh kơ\ kơl jăp jo\ jòng bè geh tơl phan sa den làng bol tam uă kơphê, ròng uă rơpu kung bè tam uă ală tờm chi lơh sơnơm nàng lơh geh tai uă priă jền.

Cau cih mờ yal tơngi\t- Lơ Mu K’Yến