VOV4.K’ho - Ơ làng bol,  oh mi mờ cau ling gùt lơgar.

Dùl sơnam pa bềng bơta chờ hờp,  bơta pin dờ` mờ kơp kờ` gam rê tus tàm dà lơgar  kờ` gơboh boh he dê. Tàm bơta kuơ màng  geh pơrya ngan, ala mat Đảng mờ Dà lơgar, a` dan pơyua tus gùt làng bol, oh mi, cau ling gùt lơgar mờ mpồl bơtìan cau Việt Nam he tàm  hờ lơgar cau  ala\ bơta kờ` gơboh rềp mềr mờ jơnau nting sap nam pa niam bơne\ ngan. A` kung pơyua tus gơp bơyô gùt dunia, làng bol ala\ lơgar tàm dunia jơnau nting sap ngap lơngai,  git gơp niam, pas gơs mờ boh gơbài.

Sền wơl  nam Mậu Tuất 2018 pa do,  bol he chờ hờp ngan  sền go\, mờ bơta tam klac, attê bal dùl nùs dùl nhơm bơh gùt Đảng, gùt làng bol mờ gùt ling klàng, dà lơgar he neh sơrlèt gan ua\ ngan kal ke, lơh geh ua\ cồng nha kuơ màng ngan, tơl làm tàm jơh ala\ broa\ lơh. Ờ  di la gơ nisơna ờ, he pal lơh ngan geh mờ dùl broa\ lơh chờ, pin dờ` slơ ngai slơ geh gơ rề ơnàng tàm ala\ rnàng làng bol, gơ dờp niam, pràn tàm gùt làng dà lơgar mờ geh gơp bơyô dunia cih dờp.

Mut tàm nam pa Kỷ Hợi 2019, dùl nam pa geh pơrya kuơ màng ngan tàm broa\ mut lơh geh jai Nghị quyết Pơrjum 12, Broa\ lơh bơtàu tơngguh lơh sa mpồl bơtìan 5 nam 2016-2020 mờ wèt tus Pơrjum dơ\ 13 bơh Đảng. Mờ bơta pin dờ` pa, bơta pràn pa, bơta geh ngan pa, gùt Đảng, gùt làng bol mờ gùt ling  klàng pơnjat tai  tam klac, ring bal,  chồl guh ala\ cồng nha neh lơh geh, lơh ngan brồ guh, sơrlèt gan kal ke bơta lòng, mut lơh geh jai pha ala\ broa\, kơnòl broa\ neh tơlik lơh, rhời bơt bơtàu dà lơgar he slơ ngai slơ niam bơne\ rlau,  kuơ màng rlau bè Bác Hồ kờ` gơboh sùm kơp kờ`.

Nting sap tơl hìu nha\, tơl làng bol Việt Nam dùl nam pa pràn sa\ ja`, chờ hờp, boh gơbài mờ lơh sa geh ua\ cồng nha.

Sơnam pa, geh jai pha pa, bơsram jat jơnau nri\  Bác Hồ dê, a` kung dan geh mblàng ờ ua\ bơta pơrya.

Sơnam pa do rlau mờ sơnam lài

Jai pha chờ hờp làm  gùt lơgar

 Gùt lơgar chờ hờp chờ sơnam pa

Jai pha tơl jơh  he cih tai jơnau đơs crih chờ

Dan ơm ngac!

          Cau mblàng K’ Brọp